नेदरल्यान्ड्सलाई पहिलोपल्ट चुनौती पेस गर्दै नेपाल

काठमाडौं। घरेलु टोली नेपालले बिहीबार नेदरल्यान्ड्ससँग खेल्दै त्रिकोणात्क टी–२० आई शृंखलाको सुरुआत गर्दैछ।

कीर्तिपुरस्थित त्रिवि क्रिकेट मैदानमा हुने खेल दिउँसो १२:१५ बजे सुरु हुनेछ। आइसीसी वरीयतामा १६औं स्थानमा रहेको नेदरल्यान्ड्ससँग नेपालले पहिलोपल्ट खेल खेल्न लागेको हो। 

शृंखलामा नेपाल र  नेदरल्यान्ड्स साथै थाइल्यान्डको सहभागिता छ । नेपाल क्रिकेट संघ (क्यान)का अनुसार हरेक टोलीले एकअर्कासँग तीन पटक खेल्नेछन् । अंक तालिकाको शीर्ष स्थानमा रहने टोली विजेता घोषणा गरिने छ। क्यानले शृंखलाका खेल दर्शकलाई निशुल्क हेर्न दिने पनि भएको छ।