काठमाडौं । दथुलंका रत्काजी बज्राचार्य र सन्दिप शाक्यको जोडी राजधानीमा जारी १० औं यल कप ब्याडमिन्टन रनिङ्ग शिल्ड प्रतियोगिताको पुरुष युगलतर्फ अन्तिम आठमा प्रवेश गरेका छन् ।
बिहिबार भएको खेलमा बज्राचार्य र शाक्यको जोडीले प्रयाग पोखरीका सुनिल बाराही र पूर्ण बहादुर चित्रकारको जोडीलाई २१–११, १५–२१, २१–१४ ले हराएर अन्तिम आठको यात्रा गरेका हुन् । यस्तै राजु बज्राचार्य र सुमित महर्जनको जोडीले भिन्छेबहालका सन्त बज्राचार्य र अनिल बज्राचार्यको जोडीमाथी २१–१०, २१–१३ को जित निकाल्दै अन्तिम आठमा स्थान पक्का गरे ।
यस्तै आगामी संस्करणका विजेता नागबहालका ससिन डङ्गोल र सुमित शाक्यको जोडीले पनि जितलाई निरन्तरता प्रदान गरेका छन् । डङ्गोल र शाक्यको जोडीले दथुलंका प्रदीप शाक्य र जगदिश्वर महर्जनको जोडीलाई २१–१५, २१–९ को सोझो सेटमा पराजित गर्दै अन्तिम आठमा स्थान पक्का गरे । चक्रबहिलका अभिन ताम्राकार र श्रीजन ताम्राकारको जोडी ओकुबहालका उमित शाक्य र राजेश शाक्यको जोडीलाई १९–२१, २१–१२, २१–१६ ले, हखका राकेश शाक्य र सुशिल महर्जनको जोडी भिन्छ्बहालका मनिष वीर बज्राचार्य र सुजित बज्राचार्यको जोडीलाई २१–१६, २१–१९ले, नागबहालका बिपिन शाक्य र सुशन शाक्यको जोडीले सुबहालका राजाबाबु महर्जन र राजेन्द्र महर्जनको जोडीलाई २१–१६, १७–२१, २१–१७ले, दुपटका सुमन महर्जन र राजेन्द्र महर्जनको जोडीले पिन्छेंका सुशिल महर्जन र दिपेन महर्जनको जोडीलाई २१–१५, १९–२१, २१–११ले तथा नागबहालका सुनिल शाक्य र सुमन शाक्यको जोडीले ओकुबहालका कृतार्थ शाक्य र राजीव शाक्यको जोडीलाई २१–१७, २१–१९ले पराजित गर्दै क्वाटरफाईनलमा स्थान सुरक्षित गरे ।
पाटन शंखमुलस्थित ईलेभेन स्टार क्लबको आयोजनामा भएको प्रतियोगिताको यु –१५ ब्वाईज एकलमा नागबहालका खेलाडीहरुको बाहुल्यता रहेको छ । नागबहालका सहज शाक्य, साकार शाक्य, प्रशन्न शाक्य, श्रवण शाक्य र सुजल शाक्य अन्तिम आठमा स्थान बनाउन सफल भए । सहजले चाकुपाटका युगेन महर्जनलाई २१–५, २१–३, साकारले नागबहालकै परिस्कृत शाक्यलाई २१–९, २१–७ले, प्रशन्नले ओकुबहालका सम्यक शाक्यलाई २१–१८, १२–२१, २१–१४ले, श्रवणले दथुलंका न्हुजल महर्जनलाई १७–२१, २१–१४, २१–१५ले तथा सुजलले नागबहालकै आर्यन महर्जनलाई २१–८, २१–४ ले पराजित गरेका थिए ।
यस्तै अन्तिम आठमा स्थान बनाउने अन्यमा प्रयाग पोखरीका पुजन चित्रकार, भिन्छेबहालका मौलिक बज्राचार्य र चाकुपाटका सुजल शाक्य रहेका छन् । पुजन चित्रकारले नागबहालका पुजन शाक्यलाई २१–१४, ७–२१ र २१–१९ ले, मौलिकले नागबहालकै सुगत शाक्यलाई २१–१७, २१–९ले र सुजलले नागबहालका नुजल शाक्यलाई २१–१७, २१–३ ले पाखा लगाउंदै अन्तिम आठमा स्थान बनाएका हुन् ।
