कृतन र मन्दिरा बने ब्याडमिन्टन एसियाको अम्पायर

काठमाडौं। नेपालका दुई अम्पायरले ब्याडमिन्टन एसियाको अम्पायर कोर्स उत्तीर्ण गरेका छन्।

कृतन खड्काले सर्टिफाइड अम्पायर र मन्दिरा न्यौपानेले अक्रिडिटेड अम्पायरको कोर्स उत्तीर्ण गरेका हुन् । 

२४ वर्षीय खड्काले चीनमा भएको ब्याडमिन्टन एसिया च्याम्पियनसिप र न्यौपानेले इन्डोनेसियामा आयोजित ब्याडमिन्टन एसिया जुनियर च्याम्पियनसिपमा परीक्षा दिएका थिए। 

यी दुई उत्तीर्ण भएसँगै ब्याडमिन्टन एसियाको मान्यता प्राप्त नेपाली अम्पायरको संख्या ६ पुगेको छ, जसमा सर्टिफाइड अम्पायर ३ र अक्रिडिटेड अम्पायर ३ छन्।