काठमाडौं । तेस्रो संस्करणको टिभिएस एभरेष्ट प्रिमियर लिग (ईपीएल) टी–ट्वान्टी क्रिकेटको उद्घाटन खेलमा ज्ञानेन्द्र मल्लको ललितपुर प्याट्रीयट्सले पारस खड्काको विराटनगर वारिवर्सलाई जितका लागि १०५ रनको लक्ष्य दिएको छ ।
टियु क्रिकेट मैदानमा टस जितेर पहिले ब्याटिङ गरेको ललितपुरले पुरै २० ओभरमा ९ विकेट गुमाएर १०४ रन बनाउन सक्यो ।
ललितपुरले दिएको १०५ रनको लक्ष्यसहित साविकको विजेता विराटनगरले केहि बेरमा जवाफी ब्याटिङ गर्नेछ ।
ललितपुरका लागि कप्तान ज्ञानेन्द्र मल्लले ४९ रन जोडे । यस्तै सन्नी पटेलले २० तथा पवन शार्रफले १४ रन बनाए । विराटनगरका करण केसी र रोएलोफ भान डेर मेर्वीले २/२ विकेट लिए ।
यस संस्करणको ईपीएलमा अघिल्ला संस्करणकै टिमहरु काठमाडौं किंग्स इलाभेन, ललितपुर प्याट्रीयट्स, विराटनगर वारिवर्स, भैरहवा ग्लाडीयटर्स, चितवन टाइगर्स र पोखरा राइनोजले प्रतिस्पर्धा गर्ने छन् ।
-1746894755.jpeg)
