अनिल र ललितले जनकपुरबाटै खेल्ने

काठमाडौं। कप्तान अनिलकुमार साह र स्पिनर ललितनारायण राजवंशीले साबिक विजेता जनकपुर बोल्ट्सबाटै नेपाल प्रिमियर लिग (एनपिएल) को दोस्रो संस्करण खेल्ने भएका छन्।

जनकपुरले बिहीबार अनिल र ललितसहित शुभ कंसाकार, किशोर महतो, तुलबहादुर थापामगर र रुपेश सिंहलाई रिटेन गरेको हो।

टोलीले यसअघि मार्कीमा आसिफ शेखलाई नै निरन्तरता दिने निर्णय गरिसकेको छ।