एजेन्सी । भारतविरुद्धको पहिलो टेष्ट क्रिकेटको पहिलो इनिङसमा अष्ट्रेलियाले खराब प्रदर्शन गरेको छ । भारतलाई सस्तैमा रोक्दै पहिलो इनिङस थालेको अष्ट्रेलियाले शुक्रबार कमजोर सुरुवात गरेको छ ।
एडलेडमा जारी टेष्टको दोस्रो दिनको खेल सकिदा अष्ट्रेलियाले ८८ ओभरमा ७ विकेट गुमाएर १९१ रन जोडेको छ । भारतलाई २५० रनमा अलआउट गर्दै दोस्रो इनिङस थालेको अष्ट्रेलिया पहिलो इनिङसमा ५९ रनले पछि छ ।
भारतीय बलर चम्किएपछि अष्ट्रेलियाले उच्च योगफल बनाउन सकेनन् । अष्ट्रेलियाका टर्भिस हेडले ६१ रन जोडेर खेलिरहेका छन् । त्यसबाहेक अष्ट्रेलियाका पिटर हान्ड्सकम्पले ३४, उस्मान ख्वाजाले २८ तथा मार्कुस हरीसले २६ रन जोडे ।
भारतका रविचन्द्र आश्विनले ३ तथा इशान शर्मा र जस्प्रित बुम्रहाले समान २/२ विकेट लिए ।
टस जितेर पहिले ब्याटिङ गरेको भारतले पहिलो इनिङमा २५० रन जोडेको छ । चेतेश्वर पुजाराले शतकीय इनिङस खेलेपनि भारतले उच्च स्कोर बनाउन सकेन । पुजाराले १२३ रनको योगदान दिए । अन्य भारतीय ब्याट्सम्यानको प्रदर्शन खराब रह्यो ।
कप्तान बिराट कोहली ३ रनमा आउट हुँदा रोहित शर्माले ३७ रन जोडे । ऋषब पन्त र रविचन्द्र आश्विनले २५/२५ रन जोडे ।
भारतको इनिङस सस्तैमा समेट्न अष्ट्रेलियाका मिचेल स्टार्क्स, पाट कुमिन्स, जोश हाजलवुड र नाथन लयोनले २/२ विकेट लिए ।
-1746894755.jpeg)
