काठमाडौं । सनराइज बैंक र नेपाल टेलिकम सेन्चुरी बैंक कर्पोरेट सुपर सिक्स क्रिकेटको क्वाटरफाइनलमा प्रवेश गरेका छन् ।
बुधबार भएको खेलमा सनराइजले नबिल बैंकलाई ६ विकेटले हराएर क्वाटरफाइनलमा पुगेको हो । अब सनराइजले क्वाटरफाइनलमा सेन्चुरी बैंकसंग खेल्नेछ ।
सेन्चुरी बैंकले अन्नपूर्ण मिडिया ग्रुपलाई ५ विकेटले हराएर क्वाटरफाइनलमा सनराइजसंगको भेट पक्का गर्यो ।
यस्तै नेपाल टेलिकमले सुर्य नेपाललाई १२ रनले हराएर क्वाटरफाइनलमा स्थान पक्का गर्यो । अब नेपाल टेलिकमले सुबिसु र सिभिल बैंकबीचको खेलको बिजेतासंग खेल्नेछ ।
प्रतियोगिता बिहिबार पाँच प्रि क्वाटरफाइनल खेल र दुई क्वाटरफाइनल खेल हुनेछ ।
सेन्चुरी बैंकको मुख्य प्रायोजनमा हुने प्रतियोगिताको विजेताले ट्रफी गिफ्ट ह्याम्पर प्राप्त गर्नेछन् । यस्तै विजेताले अर्को वर्ष निःशुल्क प्रवेश पाउनेछ । गत सिजन सिभिल बैंकले उपाधि जितेको थियो ।
