काठमाडौं। मालो गुस्तोको निर्णायक प्रहारसँगै चेल्सील क्लब विश्वकप सेमिफाइनलमा प्रवेश गरेको छ। शनिबार बिहान सम्पन्न खेलमा चेल्सीले ब्राजिली क्लब पाल्मेरासलाई २–१ ले पराजित गरेको हो।
८३औं मिनेटमा मालो गुस्तोको प्रहारबाट सम्भव भयो। दुईपटक डिफ्लेक्सन भएर गोलकिपर वेवर्टनको खुट्टामा लाग्दै जाली चुमेको थियो। फिफाले यो गोल वेवर्टनको ‘आफ्नै पोस्टमा गोल’ मान्यता दिएको छ।
खेलको सुरुआतमा चेल्सीका कोल पाल्मरले १६औं मिनेटमा गोल गर्दै टिमलाई अग्रता दिलाए। तर, ५३औं मिनेटमा चेल्सीमै आउने तयारीमा रहेका १८ वर्षीय एस्टेवाओले आफैंको भविष्यको क्लबविरुद्ध कोणयुक्त शटमार्फत बराबरी गोल फर्काए।
गुस्तोको निर्णायक गोल छोटो कर्नरपछि सम्भव भएको हो बल डिफेन्डर अगस्टिन गिआई र किपर वेवर्टनको शरीरमा लाग्दै गोलमा परिणत भएको थियो। यो गोलपछि ६५ हजार ७८२ दर्शकमध्ये चेल्सी समर्थक उत्साहमा उफ्रिएका थिए।
चेल्सी अब सेमिफाइनलमा ब्राजिलियन क्लब फ्लुमिनेन्सेसँग मंगलबार न्यू जर्सीको ईस्ट रदरफोर्डमा खेल्नेछ। फ्लुमिनेन्सेले यसअघि भएको खेलमा अल हिलाललाई २–१ ले हराएको थियो। यो जितसँगै क्लब विश्वकपको सेमिफाइनलमा युरोपका तीन क्लब र ब्राजिलको एक क्लब रहने भएका छन्।
-1751696964.webp)
