नेपाली कबड्डी टोली छैटौं एसियन ‘बीच गेम्स’को सेमिफाइनलमा

काठमाडौं। नेपाल छैटौं एसियन ‘बीच गेम्स’ २०२६ अन्तर्गत कबड्डीको समूह बीको विजेता बनेको छ।

अन्तिम खेलमा नेपालले बंगलादेशलाई ३८-३६ ले पराजित गरेको हो। योसँगै नेपाल समूह ‘बी’ को विजेता बन्दै सेमिफाइनलमा प्रवेश गरेको छ।

नेपालले फाइनल प्रवेशका लागि सेमिफाइनलमा श्रीलंकासँग खेल्नेछ। नेपालले पहिलो हाफमा १९-१७ले अग्रता बनाएको थियो। दोस्रो हाफमा सोही अग्रतालाई कायम राख्दै नेपालले जित हासिल गरेको हो।