टोटेनह्यामलाई रेलिगेसन टार्नै सकस
कामाडौं। सन् २०२६ मा प्रिमियर लिगको पहिलो जित हासिल गरे पनि टोटेनह्याम रेलिगेसन क्षेत्रबाट बाहिर निस्कन सकेन।
शनिबार भएको खेलमा टोटेनह्यामले पहिले नै रेलिगेट भइसकेको वुल्भ्सलाई १–० ले हराउँदै प्रशिक्षक रोबर्टो डे जेर्बीलाई पहिलो जित दिलायो। तर, पनि टोली अझै रेलिगेसन क्षेत्रमा नै छ। वेस्ट ह्यामभन्दा २ अंकले पछाडि रहेको टोटेनह्यामले ३४ खेलबाट ३४ अंक नै जोडेको छ। बरु वेस्ट ह्यामले भने एक जित बढी निकाल्दै ३६ अंक पुर्याएको छ।
वेस्ट ह्यामले लन्डन स्टेडियममा एभर्टनविरुद्ध २–१ को जित निकाल्दै महत्त्वपूर्ण तीन अंक जोड्दै टोटेनह्यामलाई पछि पारेको हो। खेलको इन्जुरी समयमा क्यालम विल्सनले निर्णायक गोल गरे।
उता लिभरपुलले क्रिस्टल प्यालेसलाई ३–१ ले हराउँदै गोल अन्तरका आधारमा चौथो स्थानमा उक्लियो। डिफेन्डिङ च्याम्पियनले एस्टन भिल्लालाई उछिन्दै अघि बढ्यो, जसले फुलहमसँग १–० को हार बेहोरेको थियो।
