एजेन्सी । मार्टिन ब्रेथवेट आफ्नी श्रीमतीसँग कुरा लुकाइरहेका थिए । जति उनी कुरा लुकाउँदै थिए, श्रीमतीमा उतिनै शंका बढ्दै गएको थियो ।
जब मार्टिन एनी लौरेसँग आफ्नो कुरा राख्न लागेका थिए, एनी उनीसँग गर्जिएर बोलेकी थिइन् ।
‘उनलाई शंका त थियो किनभने मलाई धेरै फोन आउथ्यो र म फोनमा बोल्न बाहिर हिउँ जम्ने चिसोमा जान्थे।’ मार्टिनले हाँस्दै भने, ‘मलाई कुनै मानसिक बिसन्चो भएको छ कि भनेर उनी अत्तालिन्थिन ।’
‘त्यस रात मैले उनलाई एउटा कुरा सुनाउँछु भन्दा उनले आफुलाई सबै थाहा भइसकेको प्रतिक्रिया दिएकी थिइन् ।’ मार्टिनले थपे ।
उनले गोप्य राख्न खोजेको कुरा एनिले चाल पाइसकेकी थिइन् । उनले आफू बार्सिलोनामा अनुबन्ध हुने पक्का नहुन्जेल हप्तौसम्म कुरा गोप्य राखेका थिए । उनले केबल एनीसँग मात्र नभई कसैलाई पनि बताएका थिएनन् ।
‘जुन दिन मैले उनलाई बताउन लागेको थिए, सबै कुरा बाहिर आइसकेको थियो, मेरो फोन दिनभर बजिरहेको थियो । उनको फोन पनि त्यस्तै थियो, त्यसैले जब मैले उनलाई सरप्राइज दिन खोजेको थिए, त्यो पूरा हुन सकेन । म उनको अनुहारमा आश्चर्य देख्न चाहन्थें । उनी निकै खुशी थिइन् ।’ उनले अगाडी भने ।
मार्टिन बार्सिलोना जाने बेलामा उनको क्लब लेगानेस रेलिगेसन जोनमा थियो । उनी लेगानेसबाट बार्सिलोना गए, लियोनेल मेस्सीसँग उनी एउटै मैदानमा खेल्ने भए ।
उनी बार्सिलोनाबाट पहिलो खेल खेल्दा परिवर्तन भएर दोश्रो हाफमा मैदान आएका थिए । उनले बल उत्कृष्ट ठाउँमा पाए । बल र किपरलाई हेरे र आक्रमण गरे । तर बल पोस्टमा भने गएन । बल सिधै दर्शक भएको ठाउँमा गएको थियो ।
यति भन्दा मार्टिन हाँसीरहेका थिए । उनलाई थाहा थियो, त्यसपछि के भएको थियो । उनले सो खेलमा दुई एसिस्ट दिएका थिए, त्यो मध्य एक एसिस्ट मेस्सीलाई थियो ।
मेस्सीले गोल गरेपछि मार्टिनलाई अँगालो हालेका थिए ।
मेस्सीले अँगालो हालेपछि उनले रमाइलो गर्दै त्यस दिन लगाएको जर्सी कहिल्यै नधुने बताएका थिए ।
‘यो रमाइलो थियो । मेरो दिमागले अरुले जसरी सोच्दैन । मैले त्यो भन्न १ सेकेण्ड पनि सोचेको थिईन । खेल पछि समर्थकले गाली पनि गरेका थिए । बल खेल्नै नजानेको, बललाई पोस्टको सट्टा दर्शक भएको ठाउँमा पु¥याएको भन्दै म माथी आक्रोश पोखिएको थियो । तर यसले मलाई हाँसो लागेको थियो । फुटबल खेलमा पनि जीवनमा झै खतरा उठाउन सक्नुपर्छ ।’ उनले भने ।
‘यदि तपाई सधैं सुरक्षा घेरामा बस्नुहुन्छ भने सुरक्षित त हुनुहुन्छ तर कहिल्यै त्यहाँबाट बाहिर निस्कन सक्नुहुन्न । म आफ्नो बेइज्जत होला भनेर गल्ती गर्न डराउँदिन । गल्तीले नै मानिसलाई पाठ सिकाउछ । एउटा बच्चा हिँड्न सिक्ने बेलामा लडे भने आफुलाई जज गर्दैनन्, उनीहरु हिडिरहन्छन् र सिकिरहन्छन् ।’ मार्टिनले बताए ।
मार्टिन लेगानेसमा अनुबन्ध हुनु अगाडी लेगानेसको खेलका भिडियो हेर्ने गर्दथे । उनी खेलको रुप बुझ्ने कोशिश गर्दथे, खेलको विश्लेषण गर्ने गर्दथे । लेगानेसमा उनी गुईडो कारिलोसँग नजिक थिए ।
बार्सिलोनामा भने सबैको एउटै केन्द्रबिन्दु छ, लियोनेल मेस्सी । मेस्सीको बयान गर्दै मार्टिनले भनेका थिए, ‘यदि फुटबल धर्म हो भने, मेस्सी भगवान् हुन् ।’
‘मेस्सीले सबैको ध्यान तान्छन् । विपक्षी खेलाडीले आफु वरपर के भइरहेको छ, त्यो पनि भुल्छन् किनकी उनीहरुको ध्यान मेस्सीमा हुन्छ । त्यसबेलामा हामी बाँकी खेलाडीले आक्रमण बुन्न सक्नुपर्छ । हामी आक्रमण गर्न खोज्दा फेरि मेस्सीले स्पेस पाइसकेका हुन्छन् । यो बौद्धिकताको कुरा हो ।’ मार्टिन भन्छन्, ‘मलाई लुइस (स्वारेज)सँग खेल्न एकदमै मन थियो । तर उनी घाइते थिए । अहिले उनी फर्किएका छन् । म उनीसँग प्रश्न गर्छु, म सिक्दै छु । म प्रशिक्षण गर्दा उनलाई धेरै फलो गर्छु ।’
मार्टिनलाई बार्सिलोनाका खेलाडीमा अमुल्य ज्ञान भएको लाग्छ । प्रशिक्षण टोलीले मार्टिनले सबैभन्दा बढी प्रश्न सोध्ने र उनी सिक्न सबैभन्दा बढी अग्रसर रहने बताउँछन् ।
‘म आफुलाई फरक देखाउन चाहदिन । तर म मा उत्सुकता बढी छ । आफुले खेलको बारेमा प्राविधिक र अन्य पक्षलाई फरक तरिकाले बुझ्न चाहान्छु ।’ उनले भने ।
मिडलब्रौग र बार्सिलोनाको खेल्ने शैली निकै फरक छ । प्रशिक्षक क्विक सेटियान र टोनी पुलिसको प्रशिक्षणमा खेल्नु निकै फरक छ । टेसाइड (मिडलब्रौग) मा सफल हुन नसकेका मार्टिन अहिले बार्सिलोनामा छन् ।
मिडलब्रौगमा मार्टिनलाई ग्यारी मंकले अनुबन्ध गराएका थिए । मार्टिन पुलिसको खेल्ने तरिकामा फिट नभएको भन्दै मिडलब्रौगले उनलाई लेगानेसमा लोनमा पठाएको थियो । उनलाई उत्कृष्ट खेलाडी नभएको भन्दै पुलिसले आफ्नो टोलीमा लोनबाट नफर्काउने बताइदिएका थिए ।
धेरैले मार्टिनलाई राम्रो खेल्ने प्रयासनै नगरेको आरोप लगाउथे । तर अहिले उनी स्पेनमा जसरी खेलेका छन्, त्यसले ती व्यक्तिलाई जवाफ दिइरहेको छ । मार्टिन भने आफू पहिलेको जस्तै रहेको बताउने गरेका छन् ।
‘म पुलिसप्रती आभारी छु । मैले धेरै सिक्ने मौका पाए । म खेल्न नपाएर दुखी थिइनँ किनकी प्रशिक्षकले कठिन निर्णय लिनुपर्ने हुन्छ । म त्यहाँ उचित हुन सकिंन । तर त्यो कुनै व्यक्तिगत कारण भने थिएन । जीवन नै यहि हो । यसले मेरो भविष्य राम्रो बनाउन मद्दत गरेको हो । तर जे जति कुरा बाहिर आएका छन् ती सबै सत्यभन्दा निकै टाढा छन् । म त्यहाँबाट टाढिएपछि निकै नराम्रा प्रतिक्रिया पाएको थिए ।’ मार्टिन भावुक हुँदै भने ।
‘हामी पनि मानव हौँ । फुटबल केबल खेल होइन, भावना हो । मिडलब्रौगका समर्थक निकै भावुक हुन्छन् । म वाक स्वतन्त्रतामा विश्वास गर्दछु, आफुलाई मन नपरेको कुरा भनिदिन्छु, लुकाउदिन ।’ मार्टिन विगत सम्झँदै भन्छन्, ‘मैले आफ्नो असन्तुष्टि जनाउदा केहिले म माथी नराम्रो आक्षेप लगाए । तर यो पनि मेरो जिवनको एक भाग हो । यो मैले बाँचेको जिवनको भाग हो, मैले सिकेको शिक्षा हो ।’
उनका पिता गुयानाका हुन् भने आमा डेनमार्ककी ।
उनले डेनमार्क, बेलायत, फ्रान्स र स्पेनमा खेल्नु अगाडी न्युक्यासल र रेगिनामा ट्रायल दिएका थिए । त्यहाँ उनी खेल्न भने धेरै पाएनन् ।
‘म दुई वर्ष व्हिलचेयरमा बिताएको थिएँ । मलाई लेग(काल्भे)पर्थेस नामको रोग थियो । त्यसले गर्दा खुट्टामा बल लगाउनु हुँदैनथ्यो, बल लगाए, निकै कमजोर हुने डाक्टरले बताएका थिए ।’ उनी सम्झना गर्छन, ‘म ५ वर्षको हुँदादेखि दुई वर्ष व्हिलचेयरमा बसेको थिए । त्यो निकै दुखदायी समय थियो, त्यसैले म त्यो सम्झना गर्न चाहन्न ।’
‘त्यो रोगका बारेमा मलाई अभिभावकले बताउनु भएको थियो । मलाई याद छ, मलाई त्यो बेलामा पनि निकै खेल्न मन लाग्दथ्यो । मलाई व्हिलचेयर छाडेर खेल्न भागौँ जस्तो हुन्थ्यो । मेरो बुवा भन्नुहुन्छ, म फेरि खेल्न लाग्दा उहाँलाई दुख लागेको थियो, किनकी यसले मेरो स्वास्थ्य बिगार्न सक्दथ्यो ।’ उनले थपे ।
उनले यहीबाट समय खर्च नगर्ने बानी सिकेको हुनुपर्छ । उनी एकठाउँमा जम्नका लागि धेरै समय नलिने बताउँछन् । र अब फेरि पनि उनले आफ्नो समयको सदुपयोग गर्नुपर्ने देखिन्छ, यदि उनी ५ वर्ष नै क्याम्प नाउमा बस्न चाहन्छन् भने । उनी पनि यसका लागि दृढ देखिन्छन् ।
‘हामीसँग थोरै समय छ, यसको उपयोग गर्नुपर्छ । हामिले समयले हाम्रो लागि काम गर्ने बनाउन सक्नुपर्छ । म कुनै बाहाना गराउन मन लाग्दैन, म आफुलाई प्रमाणित गर्न सधैं तयार छु ।’ उनले भने ।
उनले बार्सिलोनामा नियमित खेल खेल्न सुरु गर्नै लाग्दा सिजन अबरुद्ध हुन पुग्यो । बार्सिलोनामा खेल्न सुरु गरेको २० दिनमै लकडाउन सुरु भयो ।
उनी आफ्नो घर मड्रिड फर्कनुप¥यो । यसले गर्दा उनले आफ्नो चौंथो बच्चा, भ्यालेन्टिनोको जन्ममा आफ्नी श्रीमतीसँग समय काट्न पाए । उनी भन्छन्, ‘म एकदम खुसी छु, अरुले अहिले(लकडाउनमा) सम्बन्ध तोड्दै गर्दा म आफ्नी पत्नीसँग समय बिताउन पाइरहेको छु । हामी झनै नजिक भएका छौँ ।’
लकडाउनले उनलाई भिडियो विश्लेषणका लागि पनि समय दिएको छ । यस्तै, उनले यो बेलामा आफ्नो लगानी रहेको उद्योग पनि हेर्ने समय पाएका छन्, जुन अल्पसंख्यक नारीका लागि बनाइएको छ ।
बार्सिलोना आइतबार ला लिगामा खेल खेल्दै छ । उनिहरु ११ खेल बाँकी रहँदा २ अंकले पहिलो स्थानमा रहेका छन् । उनी बार्सिलोना आएको ३ महिना पछि पुन बार्सिलोनाका लागि खेल्दै छन् तर यो पटक खेल पृथक हुनेछ । किनकी मैदानमा समर्थक हुने छैनन् ।
‘म खाली मैदानमा खुट्टा राखेको पल कल्पना गरिरहेको छु । मैले आफ्नो मानसिकता गराइसकेको छु । अबका खेलमा मानसिकताले ठुलो भुमिका खेल्नेछ । अब हामीसँग एक खेल हा¥यौं, अर्को जित्नेछौ भन्ने समय छैन । सबैले मानसिकता बलियो गराउनु पर्छ ।’ उनी भन्छन् ।
‘म आजकल क्रिसमसको समयमा खुशी हुँदै बालबालिका उठे जस्तो उठ्दछु । किनकी अब हाम्रो खेल सुचारु हुँदै छन् । म उठेर आफैलाई भन्ने गर्छु (म साँच्चै यहाँ (बार्सिलोना)मा छु ।’ उनले भने ।
(द गार्डियनबाट)
