काठमाडौं । एकदिवसीय अन्तर्राष्ट्रिय क्रिकेटमा पहिलो जित हात परेपछि नेपाली राष्ट्रिय क्रिकेट टोलीका कप्तान पारस खड्काले यो जित सुरुवात मात्र भएको बताएका छन् ।
नेपालले शुक्रबार घरेलु टोली नेदरल्याण्डलाई १ रनले हराएर एकदिवसीय क्रिकेटमा पहिलो जित निकालेको थियो । जितपछि कप्तान पारसले क्रिकइन्फोसंग कुरा नेपालले यो स्थानको लागि लामो यात्रा तय गरेको बताउदै यो सुरुवात भएको बताए ।
कप्तान पारसले भने, 'यो निकै सुखद अनुभव हो । किनकी हामी डिभिजन-२ र विश्वकप छनोट हुँदै पहिलो एकदिवसीयमा पहिलो जित निकालेका छौ । टिमको हिसाबले हामी निकै भोकाएका छौ र हामी त्यहाँ प्रदर्शन गर्न चाहन्छौं । नेपालले शुक्रबार घरेलु टोली नेदरल्याण्डलाई १ रनले हराएर एकदिवसीय क्रिकेटमा पहिलो जित निकालेको थियो । ।'
अन्तर्राष्ट्रिय क्रिकेट परिषद (आइसीसी) बाट एकदिवसीय राष्ट्रको मान्यता प्राप्त गरेपछि नेपालले नेदरल्याण्डविरुद्ध दुई खेलको ऐतिहासिक एकदिवसीय सिरिज खेलेको थियो । उक्त सिरिजमा नेपाल र नेदरल्याण्डले १ – १ को बराबरी खेलेको थियो । यसअघि बुधबार भएको डेब्यु खेलमा नेपाल नेदरल्याण्डसंग ५५ रनले पराजित भएको थियो ।
अन्तिम ओभरमा कप्तान पारस नायक बन्दा नेपालले जित हासिल गरेको थियो । नेदरल्याण्डलाई अन्तिम ओभरमा जितका लागि ६ रन आवश्यक रहेको बेला कप्तान पारसले नेदरल्याण्डका क्लासेनलाई रन आउट गराउदै नेपाललाई एकदिवसीय अन्तर्राष्ट्रियमा पहिलो जित दिलाएका थिए । पारसले ब्याटिङतर्फ ५१ रनको अर्धशतकीय पारी खेलेका थिए ।
यस्तै कप्तान पारसले समर्थकहरुको साथले टिमलाई उच्च प्रदर्शन गर्न प्रेरणा मिलेको बताए । 'नेदरल्याण्डमा मात्र हैन जुनैपनि स्थानमा समर्थकहरु दिनभर बस्नु मेरो लागि अविश्वसनीय हो, ' कप्तान पारसले भनेका छन्, 'समर्थकहरु निकै भोकल छन् । जब हामी मैदानमा ब्याटिङ र फिल्डिङ गरिरहदा सुन्ने गर्छौं । जसले साच्चै हामीलाई प्रेरणा मिल्छ । हामीले पहिलो जित उनीहरुसंग मनायौ । र, हामी अझै धेरै जित, उत्साह र खुसीहरु ल्याउन चाहन्छौं ।'
गत फेब्रुअरीमा जिम्बावेमा भएको विश्वकप छनोटबाट नेपालले एकदिवसीय अन्तर्राष्ट्रिय राष्ट्रको मान्यता पाएको थियो । छनोटमा एसोसिएटतर्फ उत्कृष्ट तीन टोलीमा रहेर नेपालले ऐतिहासिक सफलता पाएको थियो । चार बर्षको लागि नेपालले पाएको मान्यता यहीँ जुलाईबाट लागु भएको हो ।
नेपालले एसोसियट राष्ट्रको मान्यता पाएको २२ बर्षपछि एकदिवसीय अन्तर्राष्ट्रिय खेल खेलेको हो । सन् १९९६ मा एसोसियट राष्ट्रको मान्यता पाएको नेपाल सन् १९८८ मा आईसीसीको सदस्य बनेको थियो ।
नेपालले एकदिवसीय मान्यता पाएपछि नेदरल्याण्डले ऐतिहासिक क्षणको लागि आथित्यमा प्रदान गरेको हो ।
-1751975074.jpeg)
