एजेन्सी । इंग्ल्यान्डका अलराउण्डर बेन स्टोक्सका सौतेनी बुवाले स्टोक्सका दाई र बहिनिलाई मारेको खुलासा भएको छ । इन्ग्लिश पत्रिका द सनले इंग्ल्याण्डका विश्वकप स्टार स्टोक्सको परिवारबारे यस्तो खुलासा गरेको हो ।
इंग्ल्याण्डको चर्चित पत्रिका द सनले स्टोक्सका सौतेनी बुवा रिचार्ड डनले उनि जन्मनु अघि न्युजिल्याण्डमा सौतनी दाई र दिदिको हत्या गरेको समाचार प्रकाशित गरेको छ ।
पत्रिकाको अनुसार स्टोक्सका आमा डेब स्टोक्सले अहिलेका पति जेर्राड स्टोक्ससँग सम्बन्ध बनाएपछि रिचार्ड डनले आफ्ना दुई बच्चाको हत्या गरेका थिए ।
स्टोक्स जन्मनु भन्दा ३ वर्ष अगाडी रिचार्डले ८ वर्षका ट्रेसी र ४ वर्षका एन्ड्रयुको हत्या गरेको पत्रिकाले जनाएको छ । पत्रिकाले भने स्टोक्सको सौतेनी बुवाको छोरी जोकी डनसँग पुष्टि गराउदै समचार लेखेको छ ।
'रिचार्ड डन र आमाबीच विवाद भएका कारण अलग बस्नु भएको थियो । अप्रिल १९८८ मा डनले आठ वर्षको छोरी ट्रेसी र चार वर्षको छोरा एन्ड्रयुलाई गोली प्रहार गरेका थिए । मेरा बुवाले यस्तो गर्न सक्छन् भन्ने विश्वास नै लाग्दैन थियो,' ४९ वर्षे डनले भनिन्, 'यो धेरै डरलाग्दो छ । डेब यस घटना पछि निकै चोट बोकेको हुनुपर्छ । 'मलाई उनको अर्को छोरा पनि छ भन्ने थाहा नै थिएन जो इंग्ल्यान्डका स्टार क्रिकेटर रहेछन् ।'
त्यस घटनापछि स्टोक्सकी आमा डेबले रग्बी खेलाडी तथा प्रशिक्षक समेत रहेका जेर्राड स्टोक्ससँग बिबाह गरेका थिए । र, उनीहरु इंग्ल्याण्ड बसाई सरेका थिए । जतिबेला स्टोक्स १२ वर्षका थिए ।
यता, सनमा उक्त समचार आएपछि स्टोक्सले भने आपत्ति जनाएका छन् । मंगलबार स्टोक्सले एक विज्ञप्ति निकाल्दै पत्रिकालाई गैर जिम्मेवारको संज्ञा दिएका छन् ।
'पत्रिकाले आफ्नो संवाददातालाई मेरो पूर्व घर न्युजिल्याण्ड पठाएर हाम्रो परिवारको गोपनीयता माथि आक्रमण गरेको छ । तीन दशक अघि भएको घटनालाई हामीलाई भुल्न वर्षौं लागेको थियो तर यस पत्रिकाले त्यो घाउलाई खोतलिरहेको छ।' स्टोक्सले भनेका छन् ।
-1746894755.jpeg)
