काठमाडौं । भारतले श्रीलंकामा जारी एसीसी यू-१९ एसिया कप क्रिकेटको सेमिफाइनलमा स्थान बनाएको छ ।
शनिबार भएको खेलमा पाकिस्तानलाई ६० रनले पराजित गर्दै भारतले लगातार दोस्रो जितसहित सेमिफाइनलको यात्रा तय हरेको हो ।
मोराटुवामा भारतले दिएको ३०६ रनको फराकिलो लक्ष्य पछ्याएको पाकिस्तान ४६ ओभर ४ बलमा अलआउट हुँदै २४५ रनमा समेटियो ।
पाकिस्तानका लागि रोहिल नाजिरले ११७ रनको शतकीय इनिङस खेलेपनि टोलीलाई जित दिलाउन सकेनन् । यस्तै मोहमद हरिसले ४३ रन बनाए ।
भारतका अथर्भा एन्कोलेकारले ३ विकेट लिए । विद्याधर पाटिल र सुसान्त कुमार मिश्राले समान २/२ विकेट लिए ।
यसअघि टस जितेर पहिले ब्याटिङ गरेको भारतले पुरै ५० ओभरमा ९ विकेट गुमाएर ३०५ रनको विशाल योगफल तयार गरेको थियो ।
भारतका लागि अर्जुन आजद र ठाकुर तिलक बर्माले शतकीय इनिङ्स खेले । आजदले १२१ रन जोड्दा ठाकुरले ११० रन बनाए ।
पाकिस्तानका मोहमद अब्बास अफ्रिदीले ३ विकेट लिए ।
जितसँगै समूह 'ए' मा रहेका भारतले ४ खेलबाट ४ अंक जोडेको छ । समूहको दोस्रो स्थानमा रहेको भारतले पहिलो खेलमा कुवेतलाई डिएल पद्दतिको आधारमा ७ विकेटले पराजित गरेको थियो ।
पाकिस्तानको भने यो लगातार दोस्रो हार हो । र, पाकिस्तान समूह चरणबाट बाहिरिएको छ । पहिलो खेलमा पाकिस्तानले अफगानिस्तानसँग हार व्यहोरेको थियो ।
