काठमाडौं । इंग्लिस प्रिमियर लिगको नयाँ सिजन आज रातिबाट सुरु हुँदैछ । २०२२/२३ को सिजनको उद्घाटन खेलमै लण्डन डर्बी भिडन्त हुनेछ ।
सिजनको पहिलो खेलमा लण्डन क्लब आर्सनलले अर्को लण्डन क्लब क्रिस्टल प्यालेससँग सेलहर्स्ट पार्कमा प्रतिस्पर्धा गर्नेछ । खेल राति १२ : ४५ बजे सुरु हुनेछ ।
प्याट्रिक भिएरा पहिलो सिजनमा अपेक्षाकृत सफलतापछि क्रिस्टल प्यालेसको प्रशिक्षकको रूपमा आफ्नो दोस्रो अभियानमा प्रवेश गर्ने छन् । पूर्व फ्रान्सेली खेलाडीको प्रशिक्षणमा ईगल्स प्रिमियर लिगमा १२ औं स्थानमा रह्यो। गत सिजन टोलि एफए कपको सेमिफाइनलमा पुगेको थियो। जहाँ चेल्सीको हातबाट हार बेहोरेको थियो ।
उता आर्सनलका प्रशिक्षक मिकेल अर्टेटाले टोलीलाई बलियो बनाउन ट्रान्सफर विन्डोमा राम्रो गरेका छन् । आर्सनल प्रिमियर लिगका ठूला महारथीसँग प्रतिस्पर्धा गर्न सक्षम खेलाडीको समूह बनेको छ । क्रिस्टल प्यालेसविरुद्ध आर्सनलको पछिल्लो फर्मले प्रशंसकलाई केही चिन्ता हुनसक्छ, तर प्रि-सिजनमा उनीहरूको उत्कृष्ट सफलताले क्लबका समर्थकमा आशा थपेको छ ।
पछिल्लो पटक दुवै टिम भिड्दा क्रिस्टल प्यालेसले आर्सनललाई ३–० ले हराएको थियो । ईगलले नर्थ लन्डनविरुद्ध अंक सुनिश्चित गरेको थियो । तर प्रि-सिजन त्यति राम्रो रहेन ।
अर्टेटाले सेलहर्स्ट पार्कमा उद्घाटन खेलमा कल्पना नगरेको अवस्था आउन सक्छ । तर उनको टोलि चुनौतीको लागि तयार छ । यो सिजन आर्सनल प्रभावशालीखेल पस्केर शिर्ष ४ मा स्तान खोज्नेछ । अर्टेटालाई निसन्देह आफ्नो टोलीलाई राम्रो सुरुवात दिलाउन ठूलो दबाब छ । विशेष गरी यो समरमा उनले महत्त्वपूर्ण खर्च गरेका छन ।
क्रिस्टल प्यालेस: के छ अवस्था ?
नयाँ अभियानमा इगलसँग धेरै चोटको समस्या छ । फिटनेस समस्याका कारण चारजना खेलाडी उपलब्ध छैनन् । प्रशिक्षक भिएराले जेम्स म्याकआर्थर, जेम्स टमकिन्स र माइकल ओलिस सबै आर्सनलसँगको भिडन्तबाट बाहिर रहेको जानकारी दिए ।
सम्भावित सुरुआती एघार (४-३-३) – गुआईटा, क्लाइन, एन्डरसन, गुइही, मिचेल, एजे, डोकोउरे, स्कुल्प, अय्यू, माटेटा, जाहा
आर्सनल: के छ अवस्था ?
मिकेल अर्टेटाले आफ्ना केही सेमी-फिट खेलाडीलाई स्क्वाडमा फर्काएर राहत पाएका छन । उनले चार घाइते खेलाडीमध्ये तीनलाई यस हप्ता प्रशिक्षणको लागि सुझाव दिए । तसर्थ उनीहरूले टोलीमा गहिराईको गुणस्तर थप्ने आशा गरिएको छ । अर्टेटाले चेल्सी र सेभिल्लाविरुद्धको अन्तिम दुई मैत्रीपूर्ण खेलमा एउटै प्रारम्भिक एघार खेले । विलियम सलिबा,ओलेक्जेन्डर जिन्चेको र गेब्रियल जेससले आजराति आर्सनलका लागि डेब्यु गर्नेछन् ।
सम्भावित सुरुआती एघार (४-२-३-१) – राम्सडेल, बेन व्हाइट, सालिबा, गेब्रियल, जिन्चेन्को, पार्टी, जाका, साका, ओडेगार्ड, मार्टिनेली, जेसुस
कस्तो आउला नतिजा ?
आर्सनलले केही महिना अघि क्रिस्टल प्यालेसविरुद्ध भयानक नतिजा भोगेको छ । तर मिकेल अर्टेटाको हातमा केही नयाँ र फरक सेटअप छ । गनर्स प्रि-सिजनमा तिब्र देखिन्थ्यो। आर्सनलले प्रि-सिजनको गतिलाई कायम राख्ने सोचेको छ।
क्रिस्टल प्यालेससँग ठूलो टोलीलाई स्तब्ध बनाउने खेलाडी छन् तर आर्सनलको तुलनामा तीव्रता र तयारीमा इगल थोरै पछाडि हुन सक्छ । घरेलु मैदानमा प्याट्रिक भिइराको टोलिबाट बलियो प्रदर्शनको सम्भावना भएपनि गनर्स ईगल भन्दा अगाडि छ ।
क्रिस्टल प्यालेस १-३ आर्सनल (खेलपाटी अनुमान)
