काठमाडौं। नेपाली राष्ट्रिय पुरुष फुटबल टिमका मिडफिल्डर लाकेन लिम्बूले क्याम्बोडियन प्रिमियर लिग खेल्ने भएका छन्।
उनलाई किरिभोङ सोक सेन चे एफसीले अनुबन्ध गरेको हो। उनी सन् २०२५/२६ सिजनका लागि यो क्लबमा आबद्ध भएका हुन्।
लिम्बूले गत सिजन भारतको आई-लिग खेलेका थिए। दिल्ली एफसीबाट खेल्दै उनले प्रभावशाली प्रदर्शन गरेका थिए।
किरिभोङले गत सिजन ११ टिम सहभागी लिगमा १०औं स्थानमा रहेको थियो। टोलीले १ जित र ३ बराबरीको नतिजा निकालेको थियो। लिगमा रिलिगेसनको व्यवस्था छैन।
