पुलिसको सहज सुरुआत

काठमाडौं। साबिक विजेता नेपाल पुलिस क्लबले १०औं पीएम कप एनभीए महिला तथा पुरुष भलिबल लिगमा सहज सुरुआत गरेको छ।

त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा बिहीबार सम्पन्न खेलमा उपाधिमा ह्याट्रिक गरेको पुलिसले एभरेस्ट भलिबल क्लबमाथि ३–० को सहज जित निकालेको हो। जितसँगै टोलीले ३ अंक जोडेको छ।

प्रतिस्पर्धात्मक पहिलो सेट पुलिसले २६–२४ ले आफ्नो बनाएको थियो। तर, त्यसपछिका सेटमा एभरेस्टले पुनरागमन गर्न सकेन।

सोही बेला पुलिसले खेल २५–१६ र २५–१७ ले आफ्नो बनायो।