काठमाडौं । इंग्लिस क्लब टोटेनहमले गोलकिपर फ्रेजर फोर्स्टरलाई अनुबन्ध गर्ने भएको छ ।
टोटेनहमले प्रिमियर लिग प्रतिद्वन्दी साउथह्याम्पटनबाट गोलकिपर फ्रेजरलाई अनुबन्ध गर्ने भएको हो ।
टोटेनहमले फ्री ट्रान्सफरमा ३४ वर्षीय गोलकिपरलाई अनुबन्ध गर्ने बीबीसीले जनाएको छ ।
इंग्ल्यान्डका गोलकिपर फ्रेजरको क्लबसँगको सम्झौता अर्को महिना सकिदैछ ।
बीबीसीले टोटेनहममा फ्रेजरको मेडिकल भईसकेको र औपचारिक घोषणा बाँकी रहेको जनाएको छ ।
फ्रेजर २०१४ मा साउथह्याम्पटन आएका थिए ।
उनले साउथह्याम्पटनका लागि १ सय ६५ खेल खेलेका छन् ।
इंग्ल्यान्डका लागि उनले ६ खेल खेलेका छन् ।