एजेन्सी । दक्षिण अफ्रिकाका विकेटकिपर ब्याट्सम्यान क्विनटन डी ककले विश्वकपको सेमिफाइनल भन्दा इण्डियन प्रिमियर लिग (आईपीएल) को फाइनल आफुलाई भावनात्मक लाग्ने बताएका छन् ।
१२ औं संस्करणको आईसीसी विश्वकप क्रिकेटका लागि इंग्ल्याण्डमा रहेका डी ककले न्युजिल्याण्डसँगको खेलअघि बोल्दै आफुलाई सन् २०१५ को विश्वकपको सेमिफाइनल भन्दा आईपीएलको फाइनल भावनात्मक लागेको बताए ।
'अकल्याण्ड मैदान उत्रदा खचाखच दर्शकको होहल्लाले खेलमा ध्यान दिन निकै गाह्रो भएको थियो,' डी ककले भने,'विश्वकप सेमिफाइनल दोस्रो भावानात्मक खेल हो, यो पटकको आईपीएलले पहिलो स्थान ओगटेको छ ।'
न्युजिल्याण्ड र अष्ट्रेलियामा भएको सन् २०१५ को विश्वकपमा दक्षिण अफ्रिका सेमिफाइनलसम्म पुगेको थियो। यस्तै डी ककले मुम्बई इण्डियन्सबाट यो सिजनको आईपीएलको उपाधि उचालेका थिए ।
जारी विश्वकपमा भने दक्षिण अफ्रिकाले पाँच खेलमा १ मात्र जित निकालेको छ । विश्वकप अन्तर्गत न्युजिल्याण्डविरुद्ध अहिले जारी खेलमा डी कक ५ रनमा आउट भएका छन् ।
