एजेन्सी । युरो कप छनोटमा ईटालीले सतप्रतिशत जित कायम राखेको छ । शनिबार राति भएको खेलमा ईटालीले ग्रिकमाथि ३–० को सहज जित हात पारेको हो ।
रोबर्टो मान्चिनी नेतृत्वको ईटालीले आफुलाई समुह जेको शीर्ष स्थानमा कायम राख्न सफल भएको छ । जसमा टिमले ११ गोल गर्न सफल भएको छ ।
२३ औ मिनेटमा निकोलो बरिलाले गोल गर्दै ईटालीलाई सुरुवाती अग्रता दिलाएका थिए । नापोलीका कप्तान लोरेन्जो इनसाईनले २३ औ मिनेटमा टोलीको अग्रता दोब्बर पारेका थिए ।
युभेन्ट्सका डिफेन्डर लियोनार्दो बोनुचीले हेडमार्फत गोल गर्दै ३३ औ मिनेटमा टोलीको जित सुनिश्चित गरे ।
शीर्ष स्थानको ईटालीको ३ खेलबाट ९ अंक भएको छ । ग्रिक ४ अंक सहित तालिकाको चौथो स्थानमा छ ।
समुह जेकै अन्य खेलमा फिनल्याण्डले बोस्निया हर्जगोभिनालाई २–० ले हरायो । अर्को खेलमा अर्मिनियाले लिचेस्टाईनलाई ३–० ले स्तब्ध बनायो ।
फिनल्याण्ड ६ अंक तालिकाको दोस्रो स्थानमा उक्लियो । अर्मिनियाले लिग चरणमा पहिलो जित दर्ता गर्यो । लिचेस्टाईन अंक विहिन हुदै तालिकाको पुछारमा यथावत रह्यो ।
-1746894755.jpeg)
