काठमाडौं । प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा नेपाल पुलिस क्लबले प्रदेश नम्बर २ लाई जितका लागि २५४ रनको फराकिलो लक्ष्य दिएको छ ।
कीर्तिपुरस्थित त्रिवि क्रिकेट मैदानमा टस जितेर पहिले ब्याटिङ गरेको पुलिसले ५० ओभरमा ९ विकेट गुमाएर २५३ रन बनायो ।
पुलिसका लागि अमित श्रेष्ठले ५० रनको अर्धशतकीय इनिङ्स खेले । यसै सुनिल धमलाले ४३, अनिल कुमार साहले ३७, कुशल भुर्तेलले ३५ तथा आरिफ शेखले ३२ रन बनाए ।
प्रदेश २ का संसद शेखले ४ तथा राशिद खानले २ विकेट लिए ।
समूह बीको अन्तिम खेलमा पुलिस र प्रदेश २ भिडिरहेका हुन् । सेमिफाईनल पुग्ने गणितिय सम्भावना बाँकी राखेको प्रदेश २ अप्रत्यासित जित निकाल्दै अन्तिम ४ मा पुग्न चाहन्छ ।
पुलिसलाई समूह चरणमा शतप्रतिशत जित सहित सेमिफाईनल पुग्ने अवसर छ ।
-1751597995.webp)
