काठमाडौं । नेपाली राष्ट्रिय क्रिकेट टोलीका ब्याटिङ अलराउण्डर दिपेन्द्र सिंह ऐरी क्रिकेटिङनेपाल डटकमको ब्राण्ड एम्बेसडर नियुक्त भएका छन् ।
लोकप्रिय क्रिकेट न्युज पोर्टल क्रिकेटिङनेपालले शुक्रबार दिपेन्द्रलाई ब्राण्ड एम्बेसडर नियुक्त गरेको हो । दिपेन्द्रलाई आगामी डिसेम्बरसम्मका लागि क्रिकेटिङनेपालले ब्राण्ड एम्बेसडर बनाएको हो ।
ब्राण्ड एम्बेसडर चुनिएसंगै दिपेन्द्रले राष्ट्रिय तथा अन्तर्राष्ट्रिय खेलहरुमा क्रिकेटिङनेपालको स्टिकर आफ्नो ब्याटमा प्रयोग गर्नेछन् ।
ब्राण्ड एम्बेसडर चुनिएपछि बोल्दै दिपेन्द्रले नेपालको सर्वाधिक लोकप्रिय क्रिकेट अनलाइनसंग सहकार्य गर्न पाउँदा खुशी लागेको बताए । 'क्रिकेटिङनेपाल राम्रो ब्यवसायिक वेबसाइट हो । क्रिकेटिङनेपालसंग जोडिन पाउदा मलाई खुशी लागेको छ', दिपेन्द्रले भने ।
दिपेन्द्रले सन् २०१७ मा किर्तिपुरमा भएको आईसीसी वल्र्ड क्रिकेट लिग च्याम्पियनसिप अन्तर्गत केन्याविरुद्धको खेलबाट नेपाली टोलीमा डेब्यु गरेका थिए । दिपेन्द्र टी-ट्वान्टी क्रिकेटमा नेपालका मुख्य खेलाडी हुन् ।
