एजेन्सी । स्पेनिस महारथी बार्सिलोना डच क्लब आयाक्सका युवा स्टार म्याथिज डी लिटको अनुबन्धनको नजिक पुगेको छ । च्याम्पियन्स लिगको सेमिफाईनल खेलपछि युवा स्टार डिफेन्डर बार्सिलोनासंग जोडिएका छन् । आयाक्सका सहकर्मी फ्रेङ्की डी जोङ ७५ मिलियन युरोपमा बार्सामा अनुबन्धन भईसकेका छन् ।
क्याटलान क्लब यति बेला नेदरल्याण्डका अन्तराष्ट्रिय खेलाडी अनुबन्धनको निकै नजिक पुगेको छ । तर यसको औपचारिक घोषणा हुन बाँकी छ ।
बार्सिलोनाले अनुबन्धनको घोषणा केही दिनमा हुने आश गरेको छ ।
१९ बर्षका डिफेन्डरको नेतृत्वको आयाक्सले यस सिजन च्याम्पियन्स लिगको सेमिफाईनलसम्मको यात्रा तय गरेको थियो ।
युवा क्लब प्रेरित आयाक्सले च्याम्पियन्स लिगमा रियल मड्रिड र युभेन्ट्स जस्ता टिमलाई हराएको थियो । डि लिटकै गोलमा आयाक्सले सिरि ए क्लब युभेन्ट्सलाई हराएको थियो ।
च्याम्पियन्स लिगको फाईनल नजिक पुगेको आयाक्स दोस्रो लेगमा टोटेनहमसंग अप्रत्यासित हार ब्यहोर्न पुगेको थियो । टोटेनहमका लुकास मौराले गोल गर्दै आयाक्सलाई प्रतियोगिता बाहिरको बाटो देखाएका थिए ।
आयाक्सको बहिर्गनसंगै क्लबका सिईयो इडविन भान डर सरले टोटेनहमविरुद्वको खेल डि लिटको अन्तिम हुने बताएका थिए । उनले डिफेन्डर नयाँ उचाईमा पुग्न ठुला क्लबमा जानुपर्ने धारणा राखेका थिए ।
उनले डि लिट स्पेन वा ईङ्ल्याण्डमा जाने बताएका थिए ।
तर बार्सिलोना पछिल्लो समय अनुबन्धनको नजिक देखिएको छ । प्रिमियर लिग क्लब लिभरपुल, म्यान यु तथा ईटालियन महारथी युभेन्ट्स डि लिटसंग नजोडिएका होईनन् ।
बार्सिलोना सिजनको दोस्रो ठुलो सम्झौताको नजिक छ । उसले यसअघि प्रिमियर लिग क्लब म्यानचेष्टर सिटीलाई पछाडी पार्दै मिडफिल्डर डि जोङलाई अनुबन्धन गरेको थियो ।
-1746894755.jpeg)
