एजेन्सी । मेलबर्न स्टार्सबाट बिग बास लिग खेलिरहेका नेपाली राष्ट्रिय टोलीका लेग स्पिनर सन्दीप लामिछाने होबर्ट हुरिकेन्सविरुद्धको सेमिफाइनल खेलमा विकेटविहीन बनेका छन् ।
होबर्टमा घरेलु टोलीविरुद्ध मेलबर्नले टस जितेर फिल्डिङ रोजेपछि बलिङ गरेका सन्दीपले पुरै ४ ओभर बलिङ गरेपनि विकेट लिन सकेनन् । सन्दीपले ४ ओभरमा ३१ रन खर्चिए ।
सन्दीपले विकेट लिन नसकेको खेलमा होबर्टले मेलबर्नलाई जितका लागि १५४ रनको लक्ष्य दिएको छ । होबर्टले पुरै २० ओभर खेल्दै ७ विकेट गुमाएर १५३ रन बनायो । होबर्टका लागि बेन म्याकडर्ममोटले अर्धशतकीय इनिङस खेल्दै ५३ रन बनाए ।
यस्तै जर्ज बेलीले ३७ र माथ्यु सर्टले ३५ रन बनाउनु बाहेक अन्य खेलाडीले दोहोरो रन बनाउन सकेनन्।
मेलबर्नका ड्यानिएल वारेलले ४ तथा एडम जम्पा र डि जे ब्राभोले समान १/१ विकेट लिए ।
