धनगढी । तेस्रो संस्करणको धनगढी प्रिमियर लिग (डीपीएल) क्रिकेटमा अहिले विराटनगर किंग्स र महेन्द्रनगर युनाइटेडबीच प्रतिस्पर्धा हुँदैछ ।
फाप्ला क्रिकेट मैदानमा शरद भेषवाकरको महेन्द्रनगरविरुद्ध करण केसीको विराटनगरले टस जितेको छ । टस जितेपछि विराटनगरले पहिले ब्याटिङ रोजेको छ ।
विराटनगरले एक खेलाडी परिवर्तन गरेको छ । विराटनगरले राजेश पुलामी मगरको स्थानमा तृत राज दासलाई प्लेईङ सेटमा राखेको छ । महेन्द्रनगरको प्लेईङ सेटमा परिवर्तन भएको छैन् ।
महेन्द्रनगरविरुद्ध मैदान उत्रदा विराटनगर दोस्रो जितको खोजीमा हुनेछ । पहिलो खेलमा रुपन्देहीसंग पराजित विराटनगरले दोस्रो खेलमा धनगढीलाई हराएको थियो । विराटनगर २ खेलबाट २ अंक जोडेर चौथो स्थानमा छ ।
महेन्द्रनगर भने पहिलो जितको खोजीमा हुनेछ । लिगको पुछारमा रहेको महेन्द्रनगरलाई प्ले अफमा स्थान बनाउन विराटनगरविरुद्ध जित निकाल्नु पर्ने हुन्छ । पराजित भए महेन्द्रनगरको प्ले अफ सम्भावना कमजोर बन्नेछ ।
महेन्द्रनगर पहिलो खेलमा रुपन्देही र दोस्रो खेलमा काठमाडौं गोल्डेन्ससंग पराजित भएको थियो ।
विराटनगर प्लेईङ सेट :
करण केसी,पृथु बास्कोटा,हरि शंकर साह,सुशन भारी,कुशल भुर्तेल,संसद शेख,किशोर महतो,आसिफ शेख,तृत राज दास,अभिनास यादव,असद उल्लाह खान पठान
महेन्द्रनगर प्लेईङ सेट :
शरद भेषवाकर,आरिफ शेख,रोहित कुमार पौडेल, सागर ढकाल,दिलिप नाथ,कुशल मल्ल,अविनाश बोहरा,अमर सिंह रौटेला,सिद्दान्त लोहनी,मोहमद नाभिद,आनन्द सुब्र्मन्यु
