बत्तीको समस्याले आधा घन्टा पर सर्‍यो नेपाल र थाइल्यान्डको खेल

काठमाडौं। नेपाल र थाइल्यान्डबीच तय भएको मैत्रीपूर्ण खेल ३० मिनेट पर सरेको छ। निर्धारित समयअनुसार खेल पथुम थानीस्थित थम्मासत रंगशालामा ४:४५ बजेबाट सुरु हुनुपर्ने थियो।

तर, रंगशालामा विद्युतीय समस्याका कारण खेल ३० मिनेट पर सारिएको द फुटबल एसोसिएसन अफ थाइल्यान्डले जनाएको हो। अब खेल ५:१५ बजेबाट सुरु हुनेछ।

नेपालले यही जुन २९ देखि उज्वेकिस्तानमा महिला एसियन कप छनोट खेल्दैछ। सोही प्रतियोगिताको तयारीस्वरूप नेपालले थाइल्यान्डसँग मैत्रीपूर्ण खेल खेल्न लागेको हो। शुक्रबार ‘क्लोज डोर’मा भएको अभ्यास खेलमा नेपाल १–० ले पराजित भएको थियो। 

एएफसी एसिया कप छनोटमा नेपाल समूह ‘एफ’मा छ। यो समूहमा नेपाल र आयोजक राष्ट्र उज्वेकिस्तानसँगै लाओस र श्रीलंका पनि छन्।