सिराह। गोलबजार फुटबल क्लब तेस्रो सहिद हेमनारायण गोल्डकप फुटबल प्रतियोगिताको सेमिफाइनलमा प्रवेश गरेको छ।
मंगलबार सम्पन्न खेलमा गोलबजारले सुनसरीको गोल्डेन स्टार युथ क्लबलाई २–१ ले पराजित गरेको हो।
गोलबजारका निश्चल मोक्तानले खेलको दोस्रो मिनेटमै गोल गर्दै अग्रता दिलाए। दोस्रो हाफको १८औं मिनेटमा प्रताप राईले अर्को गोल थपे। गोल्डेन स्टारका तर्फबाट सुजन सरदारले दोस्रो हाफको ३३औं मिनेटमा सान्त्वना गोल फर्काए।
खेलमा उत्कृष्ट प्रदर्शन गरेका गोलबजारका प्रताप राई म्यान अफ द म्याच घोषित भए। अब गोलबजारले फाइनल प्रवेश गर्न झापाको चत्यासा क्लबसँग प्रतिस्पर्धा गर्नेछ।
