एजेन्सी । इंग्लिश प्रिमियर लिग फुटबलमा म्यानचेस्टर युनाइटेडले टोटेनहमलाई पराजित गरेको छ । आइतबार राति भएको खेलमा युनाइटेडले टोटेनहमलाई १ - ० गोल अन्तरले हराएको हो ।
मार्कुस राष्फोर्ड चम्किएपछि युनाइटेडले टोटेनहमलाई उसैको मैदानमा स्तब्ध बनाएको हो । राष्फोर्डले खेलको ४४ औं मिनेटमा निर्णायक गोल गरेका थिए । पाउल पोग्बाको पासमा राष्फोर्डले गोल गर्दै युनाइटेडलाई महत्वपूर्ण ३ अंक दिलाए ।
जितसंगै युनाइटेडले लिगको पाँचौ स्थानको आर्सनलसंग अंक बराबर गरेको छ । छैटौं स्थानको युनाइटेडले ४१ अंक जोडेको छ । अन्तरिम प्रशिक्षक ओले सोल्सायर आएपछि युनाइटेडको यो लगातार छैटौं जित हो ।
पराजित टोटेनहमले भने शीर्ष दुई स्थानको क्लबसंग अंक दुरी कम गर्ने मौका गुमाएको छ । तेस्रो स्थानको टोटेनहमको ४८ अंक छ ।
प्रिमियर लिग अन्तर्गत अर्को खेलमा एभर्टनले बर्नेमाउथलाई २ - ० ले हराएको छ ।
-1747503617.webp)
