काठमाडौं । टिभिएस एभरेष्ट प्रिमियर लिग (ईपीएल) टी-ट्वान्टी क्रिकेटमा भैरहवा ग्लाडीयटर्सले ललितपुर प्याट्रीयट्सलाई जितका लागि ९३ रनको सामान्य लक्ष्य दिएको छ ।
टियु क्रिकेट मैदानमा टस हारेर पहिले ब्याटिङ गरेको भैरहवाले १९ ओभरमा अलआउट हुँदै ९२ रन बनाउन सक्यो ।
भैरहवाका लागि रायन टेन डोसकाटेले सर्वाधिक ३७ रन जोडे । यस्तै रबी इन्दर सिंहले २५ रन जोडे । भैरहवाका अन्य ब्याट्सम्यानले दोहोरो अंक जोड्न सकेनन् ।
भैरहवालाई सस्तैमा समेट्न ललितपुरका सन्नी पटेलले ५ विकेट लिए । सन्नी एकै खेलमा पाँच विकेट लिने पहिलो खेलाडी बने ।
यस्तै योगेन्द्र सिंह कार्की र राशिद खानले २/२ विकेट लिए ।
आज उपाधिका दाबेदार ज्ञानेन्द्र मल्लको ललितपुर र शरद भेषावकरको भैरहवा आज जित निकाल्दै क्वालिफायरमा पुग्ने योजनामा रहेका छन् ।
दुवै टोली जित निकाल्दै तालिकाको शीर्ष दुईमा पुग्न चाहन्छ । दुवै टोलीका कप्तानले अन्तिम खेल जितेर क्वालिफायर पुग्ने लक्ष्य रहेको बताईसकेका छन् ।
ईपीएलको नियम अनुसार शीर्ष दुई टोलीले क्वालिफायर खेल्नेछ । क्वालिफायरमा विजेता हुने टोली सिधै फाइनलमा पुग्नेछ । पराजित टोलीले फाइनल प्रवेशको लागि इलिमिनेटर खेल्नु पर्ने हुन्छ ।
एक खेल अगावै टोली टोलीले प्ले अफमा स्थान पक्का गरिसकेको छ । यस खेल दुवै टोलीको लिग चरणको अन्तिम खेल हो ।यस खेलमा जित हात पार्ने एक टोलीको शीर्ष दुई पक्का हुनेछ ।
पहिलो खेलमा विराटनगरसंग पराजित ललितपुरले त्यसपछिका तीन खेलमा लगातार जित हात पार्दै प्ले अफमा पुगेको हो । ललितपुरको ४ खेलबाट ६ अंक छ ।
सुरुवाती तीन खेलमा जित निकालेको भैरहवा शनिबार काठमाडौं किङ्स इलाभेनसंग पराजित भएको थियो । साविकको उपविजेता समेत रहेको भैरहवाको पनि ४ खेलबाट ६ अंक रहेको छ ।
-1746894755.jpeg)
