ललितपुर । ललित स्मृति अन्डर १८ फुटबल च्याम्पियनसिपमा हिमालयन शेर्पा क्लबले अन्तिम ८ मा स्थान पक्का गरेको छ । समुह चरणको अन्तिम खेलमा सुदुरपश्चिम फुटबल क्लबलाई ४–१ गोल अन्तरले पराजित गर्दै शेर्पा क्लबले क्वार्टरफाईनलमा स्थान बनाएको हो ।
एन्फा टेक्निकल सेन्टर भएको खेलमा जित हात पार्दै हिमालय शेर्पा क्लब समुह डीको उपविजेता बन्यो । खेलको ३० औँ मिनेटमा हिमालयन शेर्पाले दिनेश उराउको फ्रिकिक मार्फत अग्रता लिएको थियो । लाली सञ्जय धिमालले ५५ औ हिमालयनको अग्रतालाई दोब्बर पारे ।
अनिल आलेले ६५ औ मिनेटमा शेर्पा क्लबलाई ३–० को स्थितीमा पु¥याएका थिए । ७८ औ मिनेटमा धिमालले व्यक्तिगत दोस्रो गोल गर्दै हिमालयन शेर्पालाई नकआउट चरणको बाटो देखाए ।
सुदूरपश्चिमका राजिव चौधरीले ६० औ मिनेटमा एक सान्त्वना गोल फर्काए ।
समुह डीबाट ८ अंक सहित हिमालयन शेर्पा क्लब विजेताको रुपमा क्वार्टरफाईनल प्रवेश ग¥यो । उपविजेता बनेको हिमालयन शेर्पाले ७ अंक जोड्यो । सोही समुहमा रहेर प्रतियोगिताबाट बाहिरिएका थ्रीस्टारको ५, सुदूरपश्चिमको ५ र मनाङको ३ अंक मात्र रह्यो ।
१८ टिम सहभागि प्रतियोगिताको विजेताले तीन लाख र उपविजेताले एक लाख पचास हजार रुपैया प्राप्त गर्नेछ ।
-1726147077.jpeg)
