काठमाडौं । काठमाडौं किङ्स इलाभेन तेस्रो संस्करणको टिभिएस एभरेष्ट प्रिमियर लिग (ईपीएल) टी-ट्वान्टी क्रिकेटको प्ले अफमा प्रवेश गरेको छ ।
शनिबार भएको खेलमा भैरहवा ग्लाडीयटर्सलाई ७ विकेटले पराजित गर्दै काठमाडौंले प्ले अफमा स्थान बनाएको हो ।
टियु क्रिकेटमा मैदानमा शरद भेषावकरको कप्तानीमा रहेको भैरहवाले दिएको १५० रनको लक्ष्य काठमाडौंले १९ ओभर १ बलमा मात्र ३ विकेट गुमाएर पुरा गर्यो ।
काठमाडौंका लागि अमित श्रेष्ठले अर्धशतकीय इनिङस खेल्दै ५१ रन बनाए । केभिन ओ ब्राएन रनमा ३३ अविजित रहे ।
यस्तै कप्तान रोहन मुस्तफाले ३६ रन जोड्दा सागर पुनले १३ रन बनाए । भैरहवाका शरद भेषावकर र भुवन कार्कीले १/१ विकेट लिए ।
यस अघि टस हारेर पहिले ब्याटिङ गरेको भैरहवाले पुरै २० ओभर खेल्दै ४ विकेट गुमाएर १४९ रन बनाएको थियो ।
भैरहवाका लागि भारतीय ब्याट्सम्यान रबी इन्दर सिंहले ८६ रनको अर्धशतकीय इनिङस खेले । यस्तै कप्तान शरद भेषावकरले ३९ रन जोड्दा रायन टेन डोसकाटेले १२ रन जोडे ।
काठमाडौंका जितेन्द्र सिंह मुखियाले २ विकेट लिंदा प्रदीप साहु र केभिन ओ ब्रायनले एक एक विकेट लिए ।
जितसंगै एक खेल बाँकी रहदै प्ले अफमा पुगेको काठमाडौले ६ अंक जोड्न सक्यो । र, काठमाडौं प्ले अफमा पुग्ने तेस्रो टोली बनेको छ ।
पराजित भैरहवाको यो पहिलो हार हो । भैरहवा यसअघि नै प्ले अफमा पुगिसकेको छ । भैरहवाले पनि ४ खेलबाट ६ अंक जोडेको छ ।
-1751597995.webp)
