काठमाडौं । नेपाली राष्ट्रिय क्रिकेट टोलीका उपकप्तान ज्ञानेन्द्र मल्ललाई क्रिकेट खेल सामग्री उत्पादक कम्पनी ट्वीस्टरले प्रायोजन गरेको छ ।
नेपाली टोलीको ओपनिङ ब्याट्सम्यान समेत रहेका मल्ललाई ट्वीस्टरले दुई वर्षको लागि प्रायोजन गरेको हो । उपकप्तान मल्लले बिहिबार ट्वीस्टरसंग प्रायोजन सम्झौता गरेका छन् । उपकप्तान मल्ल र ट्वीस्टरको तर्फबाट केयुर देसाईले सम्झौता पत्रमा हस्ताक्षर गरे ।
सम्झौतासंगै मल्ललाई ट्वीस्टरले क्रिकेट खेल सामग्री र नगद गरेर दुई बर्षको लागि करिब १० लाख भारतीय रुपैया उपलब्ध गराउने छन् ।
यस्तै सम्झौता अनुसार मल्लले राष्ट्रिय तथा अन्तर्राष्ट्रिय प्रतियोगितामा ट्वीस्टरको ब्याट प्रयोग गर्नेछन् । मल्लले गत शनिबारबाट सुरु भएको एभरेष्ट प्रिमिएर लिगमा ट्वीस्टरको ब्याट प्रयोग गरिरहेका छन् ।
यस्तै ट्वीस्टरका खेल सामग्रीहरु मल्लले संचालन गरेको काठमाडौं क्रिकेट ट्रेनिंग सेन्टरमा पाउने पनि बताईएको छ ।
ट्वीस्टर भारतीय क्रिकेट सामाग्री निर्माता कम्पनी अक्सर इण्डस्ट्रिजले सन् २०१४ देखी निर्माण गर्न थालेको हो ।
भारतको यू-१९ क्रिकेट टोलि तथा प्रथम श्रेणीका खेलाडीहरुलाई प्रायोजन गरिसकेको ट्वीस्टरले पहिलो पटक अन्तर्राष्ट्रिय खेलाडीलाई प्रायोजन गरेको हो ।
-1746894755.jpeg)
