काठमाडौं । नेपाली क्रिकेट विवाद समाधानका लागि अन्तराष्ट्रिय क्रिकेट परिषदले गठन गरेको स्वतन्त्र कमिटिले विवाद समाधानको रोडम्याप तयार गरेको छ । काठमाडौंमा शनिबार बसेको स्वतन्त्र कमिटिको बैठकले क्यानको नयाँ विधान अनुसार क्रिकेट विवाद समाधान गर्न समय तालिका निर्धारण गरेको हो ।
‘विधान अनुसार गर्न बाँकी सबै बिषय कुन मितिमा गर्ने भन्ने बिषयमा समय तालिका बनेको छ । त्यो नखुलाउने सहमती बनेको छ । सबै पक्ष ईमान्दार भए क्रिकेट विवाद समाधान उन्मुख देखिएको छ ।’ कमिटि सदस्य एलबी क्षेत्रीले खेलपाटीसंग भने ।
राष्ट्रिय टिमका पुर्व कप्तान समेत रहेका क्षेत्रीले रोडम्याप अनुसार काम अगाडी बढेमा आगामी अप्रिलसम्म क्यानको नयाँ नेतृत्वको निर्वाचन हुनेछ । शनिबारको बैठकले जिल्ला निर्वाचनको बिषय, अदालतको मुद्वा फिर्ताको काम सक्न समय तालिकानै बनाएको छ ।
शनिबारको बैठकले जिल्ला निर्वाचनको प्रमाणिकरण, अदालतको मुद्वा फिर्ताको काम सक्न समय तालिकानै बनाएको छ । बैठकमा आईसीसी उपाध्यक्ष इमरान ख्वाजा सहित स्वतन्त्र कमिटिका सदस्य सहभागि थिए । कमिटिमा राखेपको तर्फबाट एलबी क्षेत्री र निलम्बित क्यानबाट ठाकुर प्रताप थापा सदस्य रहेका थिए ।
यसअघि बसेको कमिटिको बैठकले मुद्वा फिर्ता लिन र तदर्थ कमिटि भंग गर्न सरोकारवाला निकायलाई आग्रह गरेको थियो । त्यस्तै, जिल्ला निर्वाचनको बिषयमा छानविन गर्न कानुनी सल्लाहाकारलाई जिम्मेवारी दिएको थियो ।
निलम्बित कमिटिले मुद्वा फिर्ताका लागि आईसीसीसंग नयाँ निर्वाचनको ग्यारेन्टी माग गरेको थियो । त्यस्तै जिल्ला निर्वाचनको बिषयमा समेत निष्कर्श निस्कनुपर्ने उसको माग रहेको थियो ।
कमिटिको दोस्रो बैठकले निर्वाचन अघि गर्नुपर्ने सबै बिषयको कार्यतालिकै बनाएर क्रिकेट विवाद समाधानको रोडम्याप तयार गरेको हो ।
-1746894755.jpeg)
