काठमाडौं । युनाइटेड अरब इमिरेट्स (युएई) मा जारी क्रिकेटको छोटो स्वरूपको प्रतियोगिता टी-१० क्रिकेट लिग अन्तर्गत अहिले नेपाली राष्ट्रिय क्रिकेट टोलीका बलर सन्दीप लामिछाने रहेको टिम केरला किङसले पख्तुनसंग प्रतिस्पर्धा गरिरहेको छ ।
केरलाबाट पहिलो खेलमै मैदान उत्रन पाएका सन्दीपले आफुलाई प्रमाणित समेत गरेका छन् । लेग स्पिनर सन्दीपले एकै ओभरमा दुई विकेट लिएका छन । आफ्नो पहिलो ओभरको पहिलो बलमै विकेट लिएका सन्दीपले अन्तिम बलमा समेत विकेट लिए ।
चौथो ओभरमा बलिङ गर्न आएका सन्दीपले वेष्ट इण्डिजका आन्द्रे फ्लेचरलाई पहिलो बलमा पेभेलियनको बाटो देखाए । फ्लेचर ३२ रनमा आउट भए । त्यसपछि चौथो ओभरको अन्तिम बलमा सन्दीपले दक्षिण अफ्रीकाका कोलिन इन्ग्रामलाई १ रनमा आउट गरे ।
यस्तै छैटौं ओभरमा बलिङ गर्न आएका सन्दीपले चौथो बलमा मुहमद कलिमलाई सुन्य रनमा आउट गर्दै टोलीका लागि तेस्रो सफलता दिलाए ।
सन्दीपले २ ओभरमा १७ रन दिएर ३ विकेट लिएपछि पख्तुनले केरलालाई जितका लागि ११० रनको लक्ष्य दिएको छ । केरलाले केहि बेरमा जवाफी ब्याटिङ गर्नेछ ।
सन्दीपको टिम गत वर्षको विजेता समेत हो । सन्दीपको टिम इयान मोर्गनको कप्तानीमा मैदान उत्रिएको हो । यस्तै टिममा क्रिस गेल, उपुल थारंगा, केरोन पोलार्ड जस्ता खेलाडीहरुको साथ रहेको छ ।
लाइभ -
प्रतियोगिताका लागि सन्दीप आइतबार नै त्यसतर्फ गएका थिए ।
सन्दीपलाई केरला किङसले ३० हजार अमेरिकी डलरमा अनुबन्ध गरेको थियो ।
इन्डियन प्रिमियर लिग दिल्ली डेयरडेभिल्समा ‘रिटेन’ भएका सन्दीपले यसअघि युएईमै अफगानिस्तान प्रिमियर लिग क्रिकेट खेलेका थिए ।
यस्तै सन्दीप मंगलबार मात्र पाकिस्तान सुपर लिगका लागि लाहोरमा अनुबन्धित भएका थिए ।
८ टोलीको सहभागिता रहेको लिग १० ओभरको हुनेछ ।
