एजेन्सी । इंग्लिश प्रिमियर लिग क्लब आर्सनल काराबाओ कप फुटबलको क्वाटरफाइनलमा प्रवेश गरेको छ ।
बुधबार राति भएको चौथो चरणको खेलमा तेस्रो डिभिजन क्लब ब्लाकपुललाई २ - १ ले हराएर आर्सनलले अन्तिम आठको यात्रा तय गरेको हो ।
घरेलु मैदानमा आर्सनललाई जित दिलाउन स्टेफन लिचिस्टेनर र इम्ली स्मिथ रोवले एक एक गोल गरे । ब्याकपुलका लागि पाउडी ओ'कोनोरले एक गोल फर्काए ।
इमिरेट्स स्टेडियमा खेलको ३३ औं मिनेटमा लिचिस्टेनरले गोल गर्दै आर्सनललाई पहिलो हाफमा १ - ० को अग्रता दिलाएका थिए ।
खेलको ५० औं मिनेटमा स्मिथले गोल गर्दै आर्सनललाई २ - ० को अग्रता दिलाए । लगत्तै खेलको ५६ औं मिनेटमा माटियोले रातो कार्ड पाएपछि आर्सनल १० खेलाडीमा समेटियो ।
जसको फाइदा पाहुना टोलीले उठायो । खेलको ६६ औं मिनेटमा ब्लाकपुलका ओ'कोनोरले गोल गर्दै खेल २ - १ मा ल्याए । खेलको ८४ औं मिनेटमा गोलकर्ता ओ'कोनोरले रातो कार्ड पाएपछि ब्लाकपुल पनि १० खेलाडीमा समेटिएको थियो । त्यसपछि दुवै टोलीले थप गोल गर्न सकेनन् र आर्सनल २ - १ ले विजयी भयो ।
अब आर्सनलले क्वाटरफाइनलमा अर्को प्रिमियर लिग क्लब टोटेनहमसंग खेल्नेछ ।
टोटेनहमले बुधबार राति वेष्ट ह्याम युनाइटेडलाई ३ - १ ले हराएको थियो । टोटेनहमका लागि सन ह्युङ मिनले दुई गोल गर्दा फेर्नान्डोले एक गोल थपेका थिए । वेष्ट ह्यामका लुकास परेजले एक गोल फर्काए ।
