एजेन्सी । इंग्ल्यान्डको राष्ट्रिय रंगशाला 'वेम्बली स्टेडियम' इन्ग्लिश फुटबल एसोसियसन (एफए) कै स्वामित्वमा रहने भएको छ ।
यसअघि पाकिस्तानी मुलका अमेरिकी धनाड्य साहिद खानले वेम्बली स्टेडियमको लागि ६०० मिलियन पाउण्डको प्रस्ताव गरेको थियो । तर, खानले स्टेडियम किन्न गरेको प्रस्ताव फिर्ता लिएपछि वेम्बली बिक्री नहुने भएको हो ।
इन्ग्लिश प्रिमियर लिग क्लब फुलहमका मालिक समेत रहेका खानले स्टेडियम बेच्न प्रस्ताव गरेपछि एफएले ६०० मिलियन पाउण्डमा बिक्रि गर्न सहमति जनाएको थियो । फुलहम यसै सिजन शीर्ष डिभिजनको लिगमा उक्लिएको क्लब हो ।
सन् २००७ मा खुल्ला गरिएको वेम्बली स्टेडियम ९० हजार दर्शक क्षमताको छ । वेम्बलीमा इंग्ल्यान्डले ठुला खेल र राष्ट्रिय टोलीका मैत्रीपूर्ण खेलहरु गर्दै आएको थियो ।
-1746894755.jpeg)
