एजेन्सी । इंग्ल्यान्डका पुर्व मिडफिल्डर तथा फुटबल पण्डित पाउल मेर्सनले म्यानचेस्टर युनाइटेडका युवा फरवार्ड मार्कुस राष्फोर्ड उत्कृष्ट गोलकर्ता नरहेको बताएका छन् ।
स्काई स्पोर्ट्ससंग कुरा गर्दै आर्सनलका पुर्व मिडफिल्डर मेर्सनले युनाइटेड र इंग्ल्यान्डबाट खेल्दा २० बर्षिय राष्फोर्डले उत्कृष्ट गोलकर्ता नभएको पुष्टि गरिसकेको बताए ।
'मलाई लाग्दैन कि उ प्रतिभाशाली फिनिसर हो । उ प्राकृतिक गोलकर्ता होईन,' मेर्सनले भनेका छन्, 'क्रोएसियासंगको खेलअघि मानिसहरु उनले तीन खेलमा तीन गोल गरेको भन्थे । तर, उ प्राकृतिक गोलकर्ता होइन ।'
युएईएफए नेसन्स कप अन्तर्गत शुक्रबार क्रोएसियाविरुद्धको खेलमा राष्फोर्डले पटक पटक गोल गर्ने मौका गुमाएका थिए । उक्त खेल गोलरहित बराबरीमा सकिएको थियो ।
यस्तै मेर्सनले युनाइटेडकै फरवार्ड रोमेरो लुकाकु उत्कृष्ट फरवार्ड रहेको बताउदै राष्फोर्ड लुकाकु जस्तो हुन नसक्ने बताए ।
५० बर्षीय मेर्सनले थपे, 'जब तपाई शीर्ष क्लबविरुद्ध र इंग्ल्यान्डबाट खेल्दै हुनुहुन्छ । तपाईले मौकाहरु गुमाउनु हुन्न । तपाई लुकाकुलाई हेर्न सक्नु हुन्छ । उ हो उत्कृष्ट गोलकर्ता ।'
बेल्जियमका लुकाकुले नेसन्स लिग अन्तर्गत स्विजरल्याण्डविरुद्ध २ गोल गरेका थिए । उक्त खेल बेल्जियमले २-१ ले जितेको थियो ।
