एजेन्सी । इङ्ल्याण्डका फरवार्ड मार्कुस रासफोर्डले आफ्नो पेनाल्टी सुटआउट असफल भएकोमा माफी मागेका छन् ।
तर उनले भनेका छन्, ‘म जो हुँ । यसका लागि कहिल्यै माफी माग्ने छैन ।’
युरोकपको फाइनलमा इटालीसंग पराजित भएपछि नश्लीय दुर्व्यवहारबाट शिकार हुने तीन खेलाडीमा रासफोर्ड एक हुन् ।
रासफोर्ड सहित जाडोन साञ्चो र बुकायो साकाले पेनाल्टी खेर फालेका थिए ।
तीन जनै खेलाडीलाई सामाजिक सञ्जालबाट आक्रमण गरिएको छ ।
रासफोर्डले लेखेका छन्, ‘मलाई लाग्छ, मैले सबैलाई निराश बनाएको छु ।’
२३ वर्षिया खेलाडीले भने, म दिनभर आफ्नो प्रर्दशनलाई आलोचना गर्न सक्छु । मेरो दण्ड पर्याप्त थिएन । यो भित्र जान आवश्यक थियो । तर म कहिल्यै माफी माग्ने छैन कि म को हुँ र कहाँबाट आएको हुँ ।'
‘मैले तीन लायनलाई आफ्नो छातीमा राख्ने र आफ्नो परिवारलाई १० हजारको भिडमा खुसी राख्ने बाहेक कुनै गौरवपूर्ण क्षण महशुश गरेको छैन ।’ रासफोर्डले भने ।
रासफोर्डको गृहनगर विथिङ्गटनमा एक भित्ते चित्र सहित समर्थन गरिएको थियो । पेनाल्टी खेर फाल्ने बित्तिकै उनको चित्रलाई फोहोर गरिएको थियो ।
सोमबार बिहानै इङ्ल्याण्डका प्रशिक्षक ग्यारेथ साउथगेटले हारपछि गरिएको नश्लीय दुर्व्यवहार अक्षम्य भएको बताएका छन् । यसका साथै प्रधानमन्त्री बोरिस जोनसन र फुटबल संघले समेत यसको निन्दा गरेको थियो ।
मेट्रोपोलिटन पुलिसले दुव्र्यवहारको जाँच गरिरहेको छ । र भनेको छ, ‘यो सह्य छैन । यसलाई यूकेको फुटबल मोलिसिङ युनिटले समेत जाँच गरेको घोषणा गरेको छ ।’
युरोकपको फाईनलमा इङ्ल्याण्ड पेनाल्टी सुटआउटमा ३–२ ले पराजित बनेको थियो । निर्धारित र अतिरिक्त समयको खेल १–१ गोलको बराबरीमा सकिएपछि निर्णय टाइब्रेकरको आधारमा गरिएको थियो ।
