एजेन्सी । आर्सनल र म्यानचेस्टर युनाइटेडबीचको यो संयोग वास्तवमै डरलाग्दो छ ।
आर्सनलले यस पल्ट सन् १९७४/१९७५ को सिजनयता सबैभन्दा खराव सुरुआत गरेको छ । यो त्यही सिजन हो, जति बेला म्यानचेस्टर दोस्रो डिभिजनमा झरेको थियो । ‘यति राम्रो टिम कसरी पो रेलिगेसनमा पर्यो होला ?’ त्यति बेला सबै यही प्रश्न गर्थे ।
हुन पनि त्यसको छ वर्ष अगाडि मात्र म्यानचेस्टरले प्रशिक्षक टोमी डोचार्टीको नेतृत्वमा युरोपेली कप जितेको थियो । आर्सनल युरोपको च्याम्पियन त बनेको छैन्, तर अहिलेको टिम पनि त रेलिगेसनका लागि ठीक छैन्, किनभने यो पनि त राम्रो छ । मिखेल आर्टेटाको नेतृत्वमा रहेको आर्सनल रेलिगेसनमा ? यो त वास्तवमै सोच्न सकिन्न ।
तर तय छ, आर्सनलमाथि कालो बादल छाएको छ । नत्र आर्सनल जत्तिको टिम यो सिजन लिगमा पछिल्ला १० खेलमध्ये एकै जितमा मात्र सीमित हुनु पर्ने त थिएन होला । अब आर्सनलले ‘बक्सिङ–डे’ को खेलमा चेल्सीको सामना गर्नेछ । त्यसको तीन दिनपछि ब्राइटन । जनवरी २ मा आर्सनलको भेट हुनेछ, साम एलाडायसीको वेस्ट ब्रुमसँग ।
यदी आर्सनल चेल्सी र बर्नलीविरुद्धका खेलमा पनि पराजित हुन्छ भने डिसेम्बर २७ सम्म पुग्दा यो टिम रेलिगेसन क्षेत्रतिरै हुन सक्नेछ । यो त इमिरेट्स रंगशालामा बस्ने जो कोहीले सोच्नै नसक्ने स्थिति पो हो । अनि यो त्यस्तो स्थिति पनि हो, जसबारे सोच्दा पनि डर लाग्छ । त्यसैले अब प्रश्न उठ्छ, किन यस्तो स्थिति आयो होला आर्सनलमा ?
यसका धेरै कारण हु्न सक्छन्, तर त्यसमध्ये प्रमुख कारण हुन सक्छ, लगातारको गलत निर्णय । आर्सनलले पछिल्ला वर्षमा खेलाडी किनबेचमा निकै खराव निर्णय गरेको छ र यसले गर्दा टिम निकै असन्तुलित बनेको छ । टिममा अहिले जति पनि ठूला नाम छन्, ती सबै खराव खेलिरहेका छन् । चेल्सीबाट आएका विलियमको खेल त खत्तमै भन्दा पनि हुन्छ ।
कप्तान पिएरे–एमरिक अबमयाङले गोल गर्न नै बिर्सेका छन्, त्यस्तै खराव लयमा छन्, एलेक्जान्डर लाकाजेट । निकोलस पेपेको मूल्य सात करोड २० लाख पाउन्ड थियो, तर उनको खेल यसको छेउछाउ पनि छैन् । त्यसमाथि अहिले आर्सनलको ‘ड्ेरसिङ रुम’ मा खालि तनाव, विवाद, द्वन्द्व र असहमति मात्र छ भनिन्छ । एक प्रकारले आर्सनल टिममा अहिले फुट छ ।
फेरि मेसुट ओजिलको समस्या ज्युँको त्युँ छ । भनिन्छ, यी जर्मन खेलाडी जत्तिको मिडफिल्डमा राम्रो खेलाडी अहिलेको पुस्तामा कोही पनि छैन् । तर आर्सनल यिनै खेलाडीलाई खेलाउन अनिच्छुक छ । अनि आर्सनलमा नामले ठूला खेलाडी धेरै छन् र प्रशिक्षकहरू भन्ने गर्छन्, यस्ता धेरै खेलाडी भएको क्लब आसाध्यै सम्हाल्न गाह्रो हुन्छ ।
अनि यस्तो टिममाथि रेलिगेसनको डर नभए, कुन चाहिँ टिममा हुन्छ त ?
–मिररबाट अनुवाद गरिएको सामग्री ।
