एजेन्सी । रियल मड्रिडका प्लेमेकर लुका मोड्रिच युईएफए बर्ष खेलाडी घोषित भएका छन् ।
स्टार खेलाडी क्रिस्टियानो रोनाल्डो र मोहमद सलाहलाई छायाँमा पार्दै मोड्रिच बर्ष खेलाडी घोषित भएका हुन् ।
रियल मड्रिडबाट गत सिजन च्याम्पियन्स लिगकाे उपाधि जितेका मोड्रिचले क्रोएसियाको जर्सीमा विश्वकपको फाईनल खेलेका थिए ।
उनकै प्रेरणादायी प्रर्दशनका आधारमा क्रोएसियाले विश्वकपको फाईनलसम्मको यात्रा तय गरेको थियो ।
फिफाको गोल्डेन बल समेत प्राप्त गरेका उनलाई बर्ष खेलाडीबाट सम्मानित गरिएको छ ।
यस्तै मोड्रिच युईएफए बर्ष मिडफिल्डर समेत चयन भएका छन् ।
महिलातर्फको बर्ष खेलाडी डेनमार्ककी पेनिल्ले हार्डर घोषित भईन् ।
