काठमाडौं । आहा रारा गोल्डकपको १८ औं संस्करण आज (बुधबार)बाट सुरु हुदैछ ।
सहारा क्लबको आयोजनामा सञ्चालन हुँदै आएको प्रतियोगिता पोखरा रंगशालामा चैत १ गतेसम्म चल्नेछ ।
यस संस्करणको प्रतियोगितामा काठमाडौंका ए डिभिजन क्लब, मोफसलका क्लब र एक भारतीय क्लबले समेत सहभागीता जनाउनेछन् ।
प्रतियोगिताको उद्घाटन खेलमा आयोजक पोखरा ११ र काठमाडौंको ब्रिगेड ब्वाईज क्लबबीच प्रतिस्पर्धा हुनेछ ।
प्रतियोगितामा आयोजक, ब्रिगेड सहित नेपाल पुलिस, गान्तोक सिटी भारत, थ्री स्टार, मनाङ मस्र्याङ्दी, नेपाल एपीएफ क्लब, झापा ११, संकटा क्लब र त्रिभुवन आर्मीले सहभागीता जनाएका छन् ।
प्रतियोगिताको विजेताले १० लाख १ हजार र उपविजेताले ५ लाख १ हजार रुपैयाँ प्राप्त गर्नेछ । आयोजकले पुरस्कार रकममा वृद्धि गर्दै विजेता र उपविजेता टोलीलाई दिने रकम बढाएको हो ।
