धनगढी। दोस्रो संस्करणको सुदूरपश्चिम राजधानी कप फुटबल प्रतियोगिताको उद्घाटन खेलमा फारवेष्ट पशुपति युवा क्लब र मनकामना युवा क्लब भिड्ने भएका छन् ।
कैलालीको अत्तरियास्थित मालिका खेल मैदानमा बिहिबार हुने उद्घाटनमा फारवेष्ट र मनकामना भिड्ने भएका हुन् ।
पिएफए स्पोर्टस क्लव अत्तरियाको आयोजनामा हुने प्रतियोगितामा उद्घाटन र समापन बाहेक दैनिक दुई खेल सञ्चालन हुनेछ ।
फागुन २८ गतेसम्म चल्ने प्रतियोगितामा आयोजक पिएफए अत्तरियासँगै मनकामना युवा क्लब, फारवेष्ट पशुपति युवा क्लब, नवदुर्गा युवा क्लब, वनदेवी युवा क्लब, नेपालगंज स्पोर्टस ११, माउण्ट एभरेष्ट युवा क्लब, मसुरीया फुटबल एकेडेमी, स्टार सिटी क्लब, उक्सेन युवा क्लब दाङ र घोडाघोडी युवा क्लबले सहभागीता जनाएका छन् ।
प्रतियोगिताको विजेताले चार लाख तथा उपविजेताले दुई लाख नगद पुरस्कार पाउने छन् । प्रतियोगिताको उत्कृष्ट खेलाडीले २५ हजार नगद सहित पुरस्कार प्रदान गरिने छ । उत्कृष्ट गोलकिपर, डिफेन्डर, स्ट्राईकर, सर्वाधिक गोलकर्ता र उदयमान खेलाडीलाई १५÷१५ हजार नगद पुरस्कार प्रदान गरिनेछ ।
-1751696964.webp)
