एजेन्सी । सन् २०१९ को अन्त्यसँगै लण्डन क्लब चेल्सीले इन्ग्लिश प्रिमियर लिगको चौंथो स्थानमा आफुलाई राख्न सफल भएको छ ।
यसलाई निरन्तरता दिनका लागि चेल्सीले जनवरी ट्रान्सफर विन्डोमा तीन खेलाडीलाई क्लबमा अनुबन्ध गर्न चाहेको छ ।
चेल्सीले अनुबन्ध गर्न चाहेका तीन खेलाडीहरु यसप्रकार छन् ।
१. जाडोन सान्चो
जर्मन क्लब बोरुसिया डर्टमण्डका मिडफिल्डर जाडोन सान्चो चेल्सीले अनुबन्ध गर्न चाहेको खेलाडी मध्येका एक हुन् ।
यस सिजन सान्चोले बुण्डेस लिगा र च्याम्पियन्स लिगमा उत्कृष्ट प्रदर्शन गरिरहेका छन् । उनले गोलका साथै गोल गर्ने मौका सिर्जना गरिरहेका छन् ।
इंग्ल्यान्डका १९ वर्षे युवा सान्चोले यस सिजन २२ खेलमा अविश्वसनीय प्रर्दशनका साथै ११ गोल गरेका छन् ।
चेल्सीले सान्चोलाई इडेन हर्जाडको कमी पुरा गर्ने खेलाडीको रुपमा हेरेको छ ।
२. नाथन एके
चेल्सीको नजरमा रहेका अर्का खेलाडी हुन्, नाथन एके ।
एएफसी बर्नेमाउथका डिफेन्डर नाथन प्रिमियर लिगका सर्वाधिक महंगा डिफेन्डर मध्येका एक हुन् ।
चेल्सीले यस सिजन २९ गोल खाएको छ । त्यसैले चेल्सी एक उत्कृष्ट डिफेन्डरको खोजीमा रहेका छन् । जसका लागि चेल्सीले नाथनलाई अनुबन्ध गर्न खोजिरहेको छ ।
नाथन अहिले चोटका कारण मैदान बाहिर छन् । तर, जनवरीको अन्त्यसँगै नाथन फर्कने विश्वास गरिएको छ ।
३. टिमो वेर्नेर
जर्मन क्लब आरबी लिपजिगका फरवार्ड वेर्नेरले क्लबमा लागि उत्कृष्ट खेलिरहेका छन् ।
यस सिजन जर्मनीका युवा फरवार्ड वेर्नेरले २४ खेलमा २३ गोल गरिसकेका छन् । जसको कारण चेल्सीले उनलाई आँखा लगाईरहेको छ ।
चेल्सी वेर्नेरलाई स्ट्राइकर टामी इब्राहमको विकल्प र उनको जोडीको रुपमा अनुबन्ध गर्न चाहन्छ । जसको लागि चेल्सीले जर्मन क्लबसँग छलफल गरिरहेको छ ।
