एजेन्सी । चीनले राष्ट्रिय फुटबल टिमको मुख्य प्रशिक्षकमा ली ताईलाई नियुक्त गरेको छ ।
चाईनिज फुटबल एसोसिएसनले राष्ट्रिय टिमका पूर्व मिडफिल्डर ताईलाई बिहिबार मुख्य प्रशिक्षकमा नियुक्त गरेको हो ।
इटालियन प्रशिक्षक मार्सेलो लिप्लेपीले गत नोभेम्बरमा राजिनामा दिएपछि चीन मुख्य प्रशिक्षक विहीन रहेको थियो ।
सन् २०२२ को विश्वकप छनोट अन्तर्गत सिरियासँग २-१ ले पराजित भएपछि मार्सेलोले राजिनामा दिएका थिए ।
मार्सेलोले छाडेको एक महिनापछि चीनले पूर्व खेलाडी ताईलाई टिम हेर्ने जिम्मेवारी दिएको हो ।
४२ वर्षे प्रशिक्षक ताईले चीनका लागि ९२ खेल खेलेका थिए । चीनले सन् २००२ को विश्वकप खेल्दा ताई टिममा रहेका थिए ।
उनले इग्लिश क्लब एभर्टनबाट समेत खेलेका थिए । डेभिड मोयसको प्रशिक्षणमा उनले एभर्टनबाट ४० खेल खेलेका थिए । सन् २००६ मा उनी सेफिल्ड युनाइटेड गएका थिए ।
