एजेन्सी । इन्ग्लिश क्लब टोटेनहमका मुख्य प्रशिक्षक जोसे मोरिन्होले साउथह्याम्प्टनको रणनीतिको कारण आफुले रुखो व्यवहार देखाएको बताएका छन् ।
इन्ग्लिश प्रिमियर लिग अन्तर्गत बुधबार राति साउथह्याम्पटनसँग १-० को हार व्यहोर्दा पहेलो कार्ड पाएका मोरिन्होले विपक्षीको रणनीतिमा आफुले असभ्य व्यवहार गरेको बताएका हुन् ।
खेलमा मोरिन्होले साउथह्याम्प्टनको बेन्चमा गएर गोलकिपर प्रशिक्षक एन्ड्रयु स्पर्केसले बनाईरहेको रणनीति पढेका थिए । जसको कारण उनलाई रेफ्री माइक डीनले पहिलो कार्ड दिएका थिए ।
'म रूखो थिएँ तर म मूर्खको कारण रूखो थिएँ । म स्पष्ट पहिलो कार्डको हकदार थिएँ । त्यस केटासँग मेरो नराम्रो शब्द थियो,' मोरिन्होले भने ।
मोरिन्होले आफु पहलो कार्डको हकदार भएको तर उनीहरुको रणनीतिको कारण रुष्ट भएको बताए ।
'पक्कै पनि त्यहाँ यसको एक कारण थियो । म भन्दिन तर केही कारणले गर्दा मलाई त्यो प्रतिक्रिया आएको थियो', मोरिन्होले भने ।
साउथह्याम्पटनसँगको हारसँगै टोटेनहम चौंथो स्थानको चेल्सीसँग ६ अंकले पछि परेको छ ।
