एजेन्सी । लौरेन्टो मार्टिनेज चम्किँदा सिरि ए फुटबलमा ईन्टर मिलान शीर्ष स्थानमा उक्लिएको छ ।
आईतबार भएको खेलमा ईन्टर मिलानले स्पेललाई २–१ गोल अन्तरले हराएको हो । ईन्टरको जितमा मार्टिनेजले दुई गोल गरे ।
खेलको १६ औ मिनेटमा अर्जेन्टिनी फरवार्डले गोल गर्दै ईन्टरलाई सुरुवाती अग्रता दिलाएका थिए । ४१ औ मिनेटमा ब्यक्तिगत दोस्रो गोल गर्दै ईन्टरलाई पहिलो हाफमा २–० ले अघि बढाए ।
५० औ मिनेटमा पाहुना टोलीकी माटिया भालोटीले गोल गर्दै क्लबलाई खेलमा फर्काउने कोशिश गरेका थिए । तर थप गोल हुन नसकेपछि ईन्टर तालिकाको शीर्ष स्थानमा उक्लिएको हो ।
सासोउलोसंग बराबरीमा रोकिएपछि ईन्टरले रोनाल्डो प्रेरित युभेन्ट्सलाई उछिनेको हो ।
फर्ममा देखिएका मार्टिनेजले पछिल्ला ३ खेलमा ५ गोल गरेका छन् । उनले पछिल्ला १२ खेलमा सबै प्रतियोगितामा १२ गोल गरेका छन् ।
युभेन्ट्स ३६ अंक सहित दोस्रो स्थानमा छ । सासोउलो १४ अंक सहित १३ औं स्थानमा छ ।
शीर्ष स्थानको ईन्टरले युभेन्ट्ससंग एक अंकको अग्रता बनाउन सफल भएको छ ।
