काठमाडौं । घरेलु भूमिमा आयोजना हुने १३ औं दक्षिण एसियाली खेलकुद (साग) को लागि नेपाली राष्ट्रिय पुरुष फुटबल टिमले तयारी सुरु गरेको छ ।
अखिल नेपाल फुटबल संघ (एन्फा) ले सागका लागि प्रारम्भिक चरणमा ४५ खेलाडीलाई बोलाएको छ । साग फुटबलमा यू-२३ टिमले सहभागिता जनाउने छ । जसमा सिनियर टिमका ३ खेलाडीले खेल्न पाउने नियम रहेको छ ।
सागका लागि सिनियर टिमबाट गोलरक्षक किरण चेम्जोङ, डिफेन्डर बिक्रम लामा, मिडफिल्डरमा सुजल श्रेष्ठ र रोहित चन्द रहँदा स्ट्राइकरमा नवयुग श्रेष्ठ रहेका छन् ।
नेपाली टोलीका मुख्य प्रशिक्षक बालगोपाल महर्जनले प्रारम्भिक प्रशिक्षणमा ४५ खेलाडीलाई बोलाएको खेलपाटीलाई बताए ।
‘पहिलो चरणमा ४५ खेलाडीलाई तयारीको लागि बोलाएको छु । नियम अनुसार ४० खेलाडी बोलाउन पर्ने थियो । बीचमा केहि समस्या देखिन सक्छ भनेर ४५ जना बोलाएको हो ।’ प्रशिक्षक महर्जनले भने ।
एन्फाले सागको लागि मुख्य प्रशिक्षकमा महर्जन, सहायक प्रशिक्षकमा राजेश मानन्धर र गोलरक्षक प्रशिक्षकमा मृगेन्द्र मिश्रलाई जिम्वेबारी दिएको छ ।
सागका लागि टिममा बोलाईएको मध्ये स्ट्राइकर विमल घर्ति मगर, गोलरक्षक अर्पण कार्की र रोहित चन्द विदेशी लिगमा व्यस्त छन् । अन्य खेलाडी भने प्रशिक्षणमा सामेल छन् ।
प्रारम्भिक टिम :
गोलरक्षक : किरण चेम्जोङ, अर्पण कार्की, रोमन रसाईली, दिप कार्की, देव लिम्बु, प्रदिप भण्डारी, अभिषेक बराल
डिफेन्डर : बिक्रम लामा, दिनेश राजबंशी, सुमन अर्याल, अशिम भुषाल, विकास खवास, अमित तामाङ, विश्वास उदास, अनन्त तामाङ, छिरिङ गुरुङ, गौरव बुढाथोकी, राजन गुरुङ, रोमन लिम्बु
मिडफिल्डर : हेमन्त थापा मगर, रोशन पहारी, सुनिल बल, तेज तामाङ, सुजल श्रेष्ठ, नितिन थापा, सेसेहाङ आङ्देम्बे, एरिक विष्ट, अरुज सिंह, अशोक थापा, विजय श्रेष्ठ, दिपेश आले मगर, सुशान्त श्रेष्ठ, राम चन्द्र वाजी, अन्जन बिष्ट
स्ट्राइकर : अभिषेक रिजाल, विमल घर्ति मगर, रेजिन सुब्बा, धिरज श्रेष्ठ, राजिब लोप्चान, रोजश परियार, प्रिजेन तामाङ, मिक्चेन तामाङ, पुजन उपरकोटी, नवयुग श्रेष्ठ
