एजेन्सी । रियल मड्रिडका स्टार मार्सेलोले ब्राजिली राष्ट्रिय टिमका सहकर्मी नेयमारलाई स्वागत गर्न तयार देखिएका छन् । फ्रान्सेली क्लबमा नेयमार खुसी नभएको समाचार सार्वजनीक भईरहदा मार्सेलोले स्पेनको राजधानीमा नेयमारलाई स्वागत गर्ने ईच्छा ब्यक्त गरेका हुन् ।
नेयमार सन् २०१७ मा स्पेनिस क्लब बार्सिलोनाबाट फ्रान्सेली क्लब पेरिस सेन्ट जर्मेन (पीएसजी) गएका थिए । तर ब्राजिली स्टार नयाँ सिजन सुरु हुनु अघिनै पेरिस बसाई टुङ्गयाउन चाहन्छन् ।
मड्रिड क्लबले यसअघिनै केही ठुला अनुबन्धन गरिसकेको छ । उसले इडर मिलिटाओ, लुका जोभिकर फेरल्याण्ड मेन्डीलाई नयाँ सिजनका लागि क्लबमा अनुबन्धन गरिसकेको छ ।
तर क्लबले ठुलो अनुबन्धनको रुपमा लण्डन क्लब चेल्सीबाट विङ्गन ईडेन हजार्डलाई अनुबन्धन ग¥यो । उसले गत महिनामात्र सय मिलियन युरोमा क्लबमा अनुबन्धन गर्न सफल रह्यो ।
मार्सेलोले अहिलेको गतिलाई कायम राखेको खण्डमा हजार्डलाई विश्वको एक उत्कृष्ट खेलाडी रहेको मान्छन् । तर उनले नेयमारलाई यसअघिनै त्यो स्तरमा पुगिसकेको खेलाडी भन्छन् । तर उनी नेयमारलाई समकालिन क्लब फुटबलका सबै भन्दा उत्कृष्ट खेलाडी मान्छन् ।
‘हजार्ड उत्कृष्ट खेलाडी हुन् ।’ मार्सेलोले भने ।
‘उनी नेयमारजस्तै उच्च स्तरका खेलाडी हुन् । स्तरको हिसाबमा उत्कृष्ट शीर्ष पाँचमा पर्ने खेलाडी हुन् । उनी प्रभावशाली छन् । तपाई तुलना गर्न सक्नु हुदैन । तर नेयमार अझै राम्रो हो भन्ने मलाई लाग्छ ।’ उनले थपे ।
बार्सिलोनाले पुर्व खेलाडी नेयमारलाई क्लबमा फर्काउन निकै मेहनत गरिरहेको छ । उसले नेयमारसंगै पुरानो जोडी मेस्सी र लुईस स्वारेजलाई जोड्न चाहन्छ । साथमै भर्खरै कीर्तिमानी मुल्यमा अनुबन्धन गरिएको एन्टोनी ग्रिजम्यान समेत बार्साको मुख्य हतियार रहनेछन् ।
बार्सिलोना आएपछि नेयमारले १ सय ८६ खेलमा १ सय ५ गोल गरेका थिए ।
विङ्गरबाट बढी प्रभावकारी देखिने नेयमारले दुई ला लिगा, तीन कोपा डेल रे र स्पेनिस सुपर कप, फिफा वल्र्डकप र च्याम्पियन्स लिगको उपाधि जितेका थिए ।
मार्सेलोले विगत जस्तो भएपनि नेयमारलाई मड्रिड गर्न स्वागत गर्न तयार रहेको बताए । यदी ब्राजिली स्टार नेयमार पेरिस छोड्न तयार भए मार्सेलोले रियल मड्रिडमा स्वागत गर्न तयार हुनुपर्ने उल्लेख गरेका छन् ।
‘उनी एक अद्भुत खेलाडी हुन् ।’ उनले भने ।
‘यदी रियल मड्रिडमा नेयमार भए धेरै खुसीको बिषय हुनेछ । मड्रिडले विश्वका सर्वश्रेष्ठ खेलाडीलाई अनुबन्धन गर्न सबै चिज गर्न तयार हुनपर्छ । बार्सिलोनमा उनले बिताएको विगतले कुनै समस्या पार्ने छैन ।’ मार्सेलो थप्छन् ।
-1751205100.jpg)
