काठमाडौं । चन्द्रकला थापा, संगीता सुनार र सरस्वती राना मगर भारतमा आयोजना हुने इबा वर्ल्ड वुमन्स बक्सिङ च्याम्पियनसिपका लागि छनोट भएकी छिन् ।
नेपाल बक्सिङ संघले सातदोबाटोस्थित बक्सिङ कभर्डहलमा आयोजना गरेको छनोटबाट सरस्वती, चन्द्रकला र संगीता छनोट भएका हुन् ।
फेदर वैट ५७ केजी तौल समूहको फाइनलमा आर्मीका चन्द्रकलाले झापाका सुस्मिता राईलाई ५:० अंकको आधारमा पराजित गर्दै छनोट भएकी हुन् ।
६० केजी तौलको फाइनलमा एपीएफका संगीताले आर्मीका निरु गुरुङलाई ४:१ अंकको आधारमा पराजित गर्दै छनोट भएकी हुन् ।
त्यस्तै मिडिल वैट ७५ केजीको फाइनलमा एपीएफका सरस्वतीले झापाका त्रिसा जवेगुलाई ५:० अंकको आधारमा पराजित गर्दै छनोट भएकी हुन् ।
च्याम्पियनसिप भारतको राजधानी नयाँ दिल्लीमा मार्च १३ देखि २७ तारिखसम्म आयोजना हुनेछ ।
