काठमाडौं । नेपाल सुपर लिग एनएसएलमा शुक्रबार एफसी झापा र बिरगञ्ज युनाईटेड एफसीले बराबरी खेलेका छन् ।
त्रिपुरेश्वरस्थित दशरथ रंगशालामा शुक्रबार भएको खेलमा झापा र बिरगञ्जले गोल रहित बराबरी खेल्दै अंक बाँडेको हो ।
दुवै टिमले खेल अवधिभर अवसर सिर्जना गरेपनि गोल गर्न सकेनन् ।
खेलको इन्जुरी समयको अन्तिम मिनेटमा झापाका उज्वल राईले डिबक्स बाहिरबाट प्रहार गरेको बल पोस्टमा लागेर फर्किएको थियो ।
योगेश गुरुङ्ग ७३ औं मिनेटमा रातो कार्ड खादै मैदान बाहिरिएपछि झापा १० खेलाडीमा सिमित बनेको थियो ।
चोटका कारण कप्तान अन्जन विष्टले लगातार दोस्रो खेल गुमाएका थिए । झापाका आधा दर्जन प्रयासलाई बिरगञ्जका कप्तान दीप कार्कीले असफल बनाएका थिए ।
बिरगञ्जले समेत केही उत्कृष्ट अवसर खेल फाल्यो ।
दोस्रो हाफमा विरगञ्जका डिबक्स भित्र अनमार्क रहेका विलियनको प्रहारलाई झापाका गोलपिकर स्टेफन क्युपिकले उत्कृष्ट बचाउ गरेका थिए ।
काउन्टर अट्याकमा अघि बढेका विलियनलाई रोक्न खोज्दा झापाका योगेशले रातो कार्ड खाएका थिए ।
बिरगञ्जका केही उत्कृष्ट प्रयासलाई झापाका किपर क्युपिकले निराश बनाएका थिए ।
झापाले ४ खेलबाट ३ अंक जोडेको छ । पुछारको बिरगञ्जको २ अंक भएको छ ।
-1746755007.webp)
